Сайн удирдагч манлайллын 2 хэв маягийг хослуулдаг

 

Та ямар нэгэн төсөл хөтөлбөрт багийг удирдахдаа бүх эрх мэдлийг гартаа авч бүх хүн төлөвлөгөөг яг таг дагахыг шаарддаг уу? Эсвэл бүх хүмүүсийн хувилбарыг нэгтгээд хамгийн шилдэгийг сонгодог уу?

Давамгайлал болон нэр төрөөр удирддаг 2 манлайллын хэв маягийг судлаачид судалжээ.

Давамгайллаар удирдана гэдэг нь хэн нэгний эрх мэдэл, албан ёсны эрх мэдэлд тулгуурлаж бусдад нөлөөлнө гэсэн үг юм. Харин нэр алдраар удирдана гэдэг нь хэн нэгний мэдлэг туршлагыг харуулж, бусдыг урамшуулах замаар нөлөөлнө гэсэн үг юм. Давамгайлсан манлайллын үед ажилчдад маш бага сонголт байдаг бөгөөд үг дуугүй манлайлагчыг дагадаг. Харин нэр төрөөр удирдах үед манлайлагчид илүү хэлэлцээр хийдэг бөгөөд хүндэтгэсэн харилцаа бий болдог.

Ноёрхогч манлайлагч хүмүүсийг шагнал урамшууллаар урамшуулж, шийтгэлээр албадан даргын үүргээ нотлож өөрсдийн зорилгодоо хүрдэг. Хурал уулзалтын ихэнх хувьд нь өөрсдөө ярьж бусдыг айлгахын тулд дуу хоолойгоо өндөрсгөж намсгаж ч магадгүй. Ноёрхогчид ихэвчлэн хүч чадлыг шаарддаг. Учир нь хүч чадал тэдэнд шийдвэр гаргах боломжийг олгодог. Ерөнхийдөө хүмүүсийг айдсаар нь удирддаг гэж хэлж болно.

Эсрэгээрээ нэр алдраар манлайлах манлайлагч өөрийн мэргэн ухаан, мэдлэгээ харуулж үлгэр жишээ байж бусдад нөлөөлдөг. Ямар ч эрх мэдэл байхгүй үед ч бусдад нөлөөлөх боломжтой. Нэр хүндтэй манлайлагчийг бусад хүмүүс бахархаж хүндэлдэг.

Дээрх 2 хэв маягийг байгууллагын соёл болоод хүнээс хамаарч нэгээс нөгөөд шилждэг байх ёстой юм.

Ямар тохиолдолд ноёрхогч манлайлагч байх вэ?

Манлайлагчийг ажил ижил чиглэлд хөдөлж бүх хэнийг хурдан нэгтгэж чадах тохиолдолд илүү сайн тохирно. Байгууллага шинэ бүтээгдэхүүнийг нэвтрүүлэх тодорхой стратеги байгаа бол манлайлагч маркетинг, хуваарилалт, борлуулалтын ажилтнуудыг нэг чиглэлд хамтад нь хөтлөхийн тулд тогтмол тушаал өгөх шаардлагатай. Алсын хараа тодорхой байгаа үед давамгайлал нь нэгдсэн фронтыг бий болгох үр дүнтэй арга зам юм.

Шахуу цаг хугацаатай байгаа үед давамгайлал нь хурдан бөгөөд сайн зохицуулсан хариу үйлдэл хийхийг шаарддаг. Байгууллагын хямрал, өөрчлөлтийн үед эсрэг үзэл бодолтой янз бүрийн талуудыг удирдах хэрэгтэй болж магадгүй.

Давамгайлагчдад тулгардаг асуудал нь ихэнх хүмүүс дэг журамд захирагдах дуртай байдаггүй. Тиймээс ийм манлайлагчдад хүмүүс тийм ч дуртай байдаггүй бөгөөд хамт олон, ажилчдынхаа харилцааг сулруулдаг. Мөн түүнчлэн ийм удирдлагын хэв маягтай хүмүүс сайн манлайлагч болж чадах чадвартай хүмүүсд муугаар нөлөөлдөг.

Үр дүнтэй манлайлахын тулд ийм төрлийн манлайлагч эгогоо ашиглаж харилцааны бэрхшээлээ даван туулах хэрэгтэй.

Ямар тохиолдолд нэр төртэй манлайлагч байх вэ?

Өөрсдийн ажилчдаа чадавхижуулах үед уг хэв маяг тохирно. Маркетингийн баг шинэ зар сурталчилгааны кампанит ажил шинээр нэвтрүүлэх гэж байгаа тохиолдолд нэр төртэй манлайлагч багийн гишүүдэд тулгарч буй бэрхшээлийг багасгаж хайрцагнаас гадуур сэтгэх боломжийг олгодог. Нэр хүндэд чиглэсэн манлайлагч багийн гишүүдийн санааг идэвхитэй хэлэлцэж тэднийг урамшуулах болон логик дэс дараатай стратегит өөрийн хувь нэмрээ оруулж нэгтгэх замаар багийн алсаын харааг чиглүүлдэг.

Нэр хүндтэй манлайлагч санаа боловсруулах шийдвэр гаргах үйл явцад өөрийн үнэтэй хувь нэмрээ оруулж хэрэгтэй тохиолдолд бусдыг сайн сонсдог. Тэдэнд сонсох, ярих хоёрыг ижил чухал байдаг. Ийм манлайлал аюулгүй орчинг бий болгож бүтээлч шинэлэг шийдлийг боловсруулах боломжийг олгодог. Манлайлагч байгууллагын бүх түвшний хүмүүсийн үзэл бодлыг сонсож, хамт олныхоо дунд харьцангуй тэгш харилцааг эрхэмлэсэн байгууллагын соёлыг бий болгодог.

Бэрхшээлтэй тал нь нэр хүндэд чиглэсэн манлайлагч бусад хүмүүс тэдний талаар юу бодож буйд үл ялиг их санаа тавьдаг учир муу шийдвэрт хүрэх магадлалтай. Жишээ нь төслөө дуусгахын тулд Бямба гарагт ирэх буюу долоо хоногт нэмэлт цаг ажиллуулахыг оролдов. Багийн гишүүдийн дунд гүйцэтгэлийг сайжруулах магадлалтай сонголтуудаас сонгохыг хүсжээ. Ихэнх манлайлагч нэр төрөө бодоод хамгийн их хүний санал авсан сонголтыг сонгоно.

Бусдын бодолд хэтэрхий их санаа тавихаа болохын тулд хэцүү шийдвэрүүдийг илүү нээлттэй болгох хэрэгтэй. Ялангуяа уг шийдвэр хэрхэн гарсаныг тайлбарлаж, бие даан шийдвэр гаргасан хэдий уг үйл явцын нэг хэсэг гэдгийг ойлгуулах юм.

Италийн философич, улс төрийн стратегич Макиавелли \”Хүмүүст хайр, айдас гэх 2 үндсэн хөдөлгөх хүч байдаг” гэж хэлжээ. Шилдэг манлайлагч аль алийг нь ойлгодгоороо амжилтад хүрсэн байдаг. Тэд тухайн хүн, нөхцөл байдлаас хамаарч давамгайллаар удирдах уу, нэр төрөөр удирдах уу гэдгээ шийддэг байна.

Эх сурвалж: hbr.org