П.Анужингийн “Монгал товчоон” нэвтрүүлгийн анхны дугаар айсуй

\”Монгол тулгатны зуун” эрхэм төслийг санаачлагч, продюсер П.Анужин энэ удаа \”МонГал товчоон\” баримтат хөрөг нэвтрүүлгээр үзэгч олонтой учран золгох гэж байна. Нэвтрүүлгийн анхны дугаарт УДЭТ-ын найруулагч Н.Наранбаатар оролцжээ.

Тус нэвтрүүлгийн санааг \”Монгол тулгатны зуун\” эрхэм нэвтрүүлгийг бэлдэх явцад төрсөн бөгөөд энэ цагийн ид бүтээж туурвиж яваа 81 эрхмийг үзэгчдэд харуулах зорилгоор энэхүү нэвтрүүлгийг санаачилжээ.

Харин нэвтрүүлгийн анхны зочин УДЭТ-ын найруулагч, Төрийн соёрхолт Н.Наранбаатар тус нэвтрүүлгийн талаар \” Нэвтрүүлгийн анхны зочноор намайг орооч ээ гэхэд татгалзсан. Би хэн билээ? Надаас илүү хийж бүтээж яваа өчнөөн залуус бий. Гэхдээ энэ нэвтрүүлэг эх орондоо эзэн байж салбар салбартаа үнэнч байх ёстойг ойлгуулах чухал зорилготой” гэв.

Мөн тус нэвтрүүлгийг санаачлагч П.Анужин өөрийн цахим хуудаснаа ийнхүү бичжээ. Тэрбээр \”Эрхэм Үзэгч танаа толилуулахад бэлэн боллоо.Өчүүхэн миний анзаарснаар, манайд аливааг гоёчлолгүй, муулалгүй үнэн хийгээд тайван өгүүлэх, үзэгчдэд бодох боломжийг нь олгодог баримтат ( documentary) кино чиглэл ялимгүй орхигдсон мэт санагддаг. Энэ л салбарт бид хүч, өнгө, ахиц нэмэхээр сэтгэл шулуудсан билээ!

Ир, Ур, Ухаан, Зоригчацан, ид бүтээн туурвиж буй Оюуны хийгээд Эдийн баялаг бүтээгч \” Энэ цагийн 81 тэргүүн цадиг\”-ийг баримтат туурийн аргаар зангидан Эрхэм танаа хүргэх гэж байна! Үзэгч тандаа сайныг хүргэх гэж цаг нарыг үл ажран хичээлээ,шаггүйих ч бэлтгэн базаалаа.

Амьддаа бие биенээ хайрлая, дэмнэе хүмүүс минь! Энэ эх орныхоо гал дөл нь болж буй Ид бүтээн туурвиж байгаа залуусдаа сэтгэлийн гэрлээ тусгацгаая! Тэднийхээ их бүтээл нөмөрт эргээд өөрсдөө баярлая” хэмээн бичжээ. Тус баримтат кино төсөл тун удахгүй Боловсрол суваг телевизээр цацагдах юм.