Хүүхдэд зурагтыг хэдэн наснаас үзүүлэх ёстой вэ?

$\"\"$

Япон хүүхдийн эмч хүүхдийг 2 нас хүртэл зурагт үзүүлэхийг хориглодог. Гэтэл хүүхэдтэйгээ хоёулхнаа байх үед унтаж байх зуур нь зурагт үзэх гэхээр сэрчих вий гэж эмээж унтраадаг ч, оройн хоолоо хийх үед саатуулах, уйлахад нь анхаарлыг нь өөр тийшээ хандуулж аргадах гээд яалт ч аргагүй зурагт үзүүлэх нь бодит зүйл юм.

Энэ нь 2 нас хүрсэн хүүхдэд боломжтой хэдий ч 2 оос доош насны хүүхдүүдэд боломжгүй зүйл юм. Таны хүүхэд 2 нас хүрсэн бол өдөрт зурагт үзэх цагийг 2 цагаас хэтрүүлэхгүй байх хэрэгтэй. Ажил ихтэй үедээ зурагтаа заавал унтрааж, хүүхдээ зурагтаар саатуулах бус хүүхэдтэйгээ хөгжилдөн тоглож байх хэрэгтэй. Зурагтай ном уншиж өгч , олон зүйлийг ярьж, хамтдаа тоглоомоор тоглож, хүүхэдтэйгээ харилцах харилцааг нэмэгдүүлээрэй.

Хүүхэд ойрхон зайнаас зурагт үзэх нь ямар сөрөг нөлөөтэй байдаг вэ?

$\"\"$

Хүүхэд хэлд орох үеэсхолоос зурагт үзүүлэх нь харааны хөгжилд муугаар нөлөөлдөггүй гэж үздэг. Харин ойрхон зайнд бол гэрлийн нөлөөлөл хүчтэй болж , олон өнгийн дүрслэл нь илүү нөлөөлж, хүүхдийн биед сөрөг байдаг байна. Болж өгвөл зурагтнаас 2 метрийн холоос үзүүлэх хэрэгтэй. Хүүхэд зурагтанд ойртох нь өнгөлөг, гэгээлэг зүйлсэд сонирхол нь татагдгаас болдог байна. Харин 2 нас хүрээгүй хүүхдийн харааны хөгжил нь бүрэн гүйцэд тогтоогүй учир ойроос харж үзэхийг хүсдэг байна.

Зурагт асаалттай үед хэл яриа бүрэн хөгжөөгүй хүүхэддээ зурагтаас холдоорой гэж хэлээд ойлгохгүй учир болж өгвөл хамтдаа үзэх , холоос ажиглах, зурагт руу ойртох юм бол гялс очиж холдуулах зэргээр хүүхдэддээ анхаарал хандуулж байх хэрэгтэй.

Хүүхдэд зурагт үзүүлэх үед юуг анхаарах вэ?

$\"\"$

Хамгийн түрүүнд хүүхдэдтэйгээ хамт байх үед зурагтаа өдөржин асаалттай орхиж болохгүй. Хүүхэд яг өмнө нь сууж үзэхгүй ч гэсэн зурагтны дүрс, өнгө, дууг нь анзаарч байдаг. Тоглоомоор тоглож байх үед, угжаа болон мөөмөө хөхөж байх үед, хооллож байх үед ч гэсэн яг тухайн үед л анхаарлыг нь хандуулах хэрэгтэй.

Ялангуяа хоол идэж байх үед гэр бүлээрээ хөгжилдөж, дулаан уур амьсгал төрүүлэх үе юм. Хүүхэд сурган хүмүүжүүлэхэд гэр бүлээрээ ширээ тойрч хамтдаа хооллох нь маш их ач холбогдолтой. Ямар амттай юм бэ? гэдэс дүүрчихлээ гэж хэлэхэд царайг тань харж инээмсэглэж байдгийг анзаараарай. Өөрт нь анхаарал тавихгүй анзаарахгүй бол ганцаардсан мэдрэмж төрж, уйлж эхэлдэг шүү дээ. Тиймээс хүүхэдтэйгээ хамт хоорондын харилцааг илүү чухалчлаарай.

Дүгнэлт

Зурагт огт үзүүлэхгүй гэсэн хатуу үзэл баримтлалтай эцэг эхчүүд байдаг. Дүрэм гаргаж, хатуу хандах нь хүүхэд өсгөхөд дарамт учруулж бэрхшээлтэй болгодог. Зурагт үзүүлэх нь муу гэдэг ч хүүхэдтэйгээ хамт харилцан ярьж , хайраа мэдрүүлэнгээ зурагт үзэх тийм ч муу зүйл биш.

Хааяа зурагт биш дуу хөгжим сонсгож, тогтсон цаг гаргаж, холоос зурагт үзүүлж байх нь зүйтэй юм.

Эх сурвалж:JBC