Жил бүрийн өвлийн тэргүүн сарын 25-ны энэ өдөр шарын шашныг үндэслэгч Богд Зонхова муу сэтгэлийг ялан дийлж, улмаар нууц тарнийн онцгой эрдмийг олж нирваан дүр үзүүлсэн юм.
Зулын 25-ныг Богд Зонховын дүйчэн өдөр гэж нэрийддэг. Дүйчэн гэдэг маань онцгой тэмдэглэлт өдөр гэсэн утгатай. Энэ өдөр буян хийх өдөр тул бие хэл, сэтгэлээрээ сайн үйл хийх учиртай. Энэ өдөр хийсэн буян хэдэн бум түмээр арвиждаг гэжээ. Мөн энэ өдрөөр зул өргөх нь маш олон янзын бэлэгдэл, цаад утга агуулгатай гэнэ.
Монголын Бурхан Шашинтны төв Гандантэгчинлэн хийдээс Богд Зонховын дүйчин “ЗУЛЫН 25” өдрийн үйл ажиллагааг олон нийтэд зарласан байна.
