С.Ганбаатар хэнийг дэмжих вэ

 

2017 оны 7 дугаар сарын
7-ны өдөр буюу ирэх баасан гаригт Монгол Улсын Ерөнхийлөгчийн сонгуулийн дахин
санал хураалт зарлагдлаа. Энэ удаа ирц хүрэхгүй бол УИХ хуралдаж, дахин
сонгууль зохион байгуулах, шинээр нэр дэвшигчдийг тодруулах гээд цаг зав,
хөрөнгө мөнгө гарзадсан үйл ажиллагаа болно.

 

Гэхдээ \”үл бүтэх” хүмүүсийг
нэр дэвшүүлчихээд хэнийг нь сонго гээд байгаа юм бэ гэх иргэдийн бухимдал нэг
талдаа зөв. Үнэхээр сонгох сонголтгүй сонгууль болж байна. Монгол түмнээ төлөөлөөд
явах нэр цэвэр улс төрчид олон бий. Тэднээс нэгийг нь нэр дэвшүүлсэн бол
Монголчууд саналаа өгөхөд буруутахгүй байлаа. Мөн өнгөрөгч сонгуулийн
сурталчилгаагаар гэмт хэрэгтэн, хятад цустан, авлигач, офшорчин гээд бүхий л
болохгүй зүйлсийн хийж байсан хүмүүс нэр дэвшиж байгаа мэт ойлголтыг өгөхөөр
нэг нэгийгээ харлууллаа. Үүний дараа ирц хүрсэнгүй гэж гоншгонох дэмий л дээ.

 

Одоо иргэд сонгогчид
салхинд хийсгэж байгаа 7.2 тэрбум төлөө ирцээ хангалттай бүрдүүлнэ гэж ярьж
байна. Гэхдээ олонх нь цагаан хуудас буюу хэнийг ч дугуйлахгүйгээр саналын
хуудсаа уншуулж, эсэргүүцлээ илэрхийлэх тухай яриад эхэлжээ. Энэ мэдээж дахиад
л төсвөөс маш их хөрөнгө шаардагдах үрэлгэн тэмцлийн хэлбэр л дээ.

 

Тэгвэл иргэдийн тэмцлийн
хажуугаар МАХН-аас Ерөнхийлөгчийн сонгуульд нэр дэвшигч С.Ганбаатарын тэмцэл
анхаарал татаж байна. Тэрээр Сонгуулийн Ерөнхий хорооны илбэдээд гаргаад ирсэн
30 мянга гаруй хүний асуудлыг шийдвэрлэгдтэл тэмцэх болно гэдгээ ч мэдэгдсэн.
Гэвч сонгуулийн асуудал нэгэнтээ шийдэлдээ орчихлоо гэж харагдаж байна. Өөрөөр
хэлбэл Х.Баттулга, М.Энхболд нар дараагийн шатанд өрсөлдөхөөр болж бүх асуудал
ном журмын дагуу хэрэгжээд явчихлаа.

 

Одоо хэн ч юу ч гэсэн \”нохой
хуцсан чинээ” тоохгүй болов уу гэж харагдаад байгаа юм. Тэгэхээр С.Ганбаатарт
нэг арга зам байна. Тэр нь аль нэг нэр дэвшигчийг дэмжээд өөрт ашигтайгаар
эргүүлэх. Шууд Ерөнхийлөгчийн хэмжээнд хүрэхээр ашиг олохгүй ч боломжийн албан
тушаал наймаалцаж бас болно. Энэ нь \”мултарсан” нэр дэвшигчид унацтай л
тохиролцоо болох биз. Бас үгүй сайн нэр дэвшигч, түмэн олондоо нэр хүндтэй
гэдгээ харуулаад авсан түүний хувьд тэмцэл энэ тэр гэж байхаар ямар нэг тохироо
хийгээд явчих нь энэ цаг үед ашигтай гэж харагдаад байгаа юм л даа.

Харин хэнийг дэмжих вэ. МАХН-ын дарга
Н.Энхбаярын хувьд МАН-ын дарга М.Энхболдтой нууц уулзалт хийсэн гэх мэдээлэл
хэвлэлээр гарч байна. Тэгэхээр С.Ганбаатар МАН-ыг дэмжих ёстой болж байна уу.
Эсвэл энэ уулзалт өөр учир шалтгаантай байв уу. Ямартай ч иргэд бухимдалтай
байгаа энэ үед С.Ганбаатар асуудлыг эвээр шийдчихмээр санагдаад байгаа юм.
Мэдээж улс төрийн албан тушаал аливаа хэлэлцээр, тохиролцооны үндсэн дээр бий
болдог гэдгийг бид хэлүүлэлтгүйгээр мэддэг болчихлоо шүү дээ. Тэгэхээр
С.Ганбаатар М.Энхболдыг дэмжвэл дээр үү, Х.Баттулгыг дэмжвэл дээр үү гэдгээ л
шийдэх хэрэгтэй болж дээ.

 

Амар