Монгол Улсын тав дахь ерөнхийлөгчөөр сонгогдсон Х.Баттулга тангаргаа өргөж ерөнхийлөгчийн бүрэн эрхээ хэрэгжүүлж эхлэлээ. Тэрээр тангаргаа өргөсөн дариудаа Жанжин Д.Сүхбаатарын хөшөө, Их Эзэн Чингис хааны хөшөөнд хүндэтгэл үзүүлж дараа нь анхны ажлаа гадаад харилцааны салбараас эхлүүллээ.
Ерөнхийлөгч Х.Баттулгыг ялалт байгуулсны дараа Ерөнхийлөгчийн тамгын газрын даргаар хэн сонгогдох вэ гэсэн яриа олны дунд анхаарлын төвд байсан юм. Тэгвэл Ерөнхийлөгчийн тамгын газрын даргаар Зандаахүүгийн Энхболд томилогдсон байна.
Зандаахүүгийн Энхболдын намтар
Боловсрол
1984 онд Сэлэнгэ аймгийн Сүхбаатар хотын 10 жилийн дунд сургууль
1989 онд ОХУ-ын Уралын Политехникийн дээд сургууль
1996 онд Монгол Улсын Их сургууль
2004 онд АНУ-ын Денверийн Их сургуулийг тус тус төгссөн.
Автоматик, телемеханикийн инженер, Эрх зүйч мэргэжилтэй.
Орос, англи хэлтэй.
Эрдмийн зэрэг, цол
Олон улсын Бизнесийн удирдлагын магистр
ОХУ-ын Уралын Холбооны Их Сургуулийн Хүндэт доктор
2006 онд Их Монгол Улс байгуулагдсаны 800 жилийн ойн хүндэт медаль
2006 онд Хөдөлмөрийн гавьяаны улаан тугийн одон
Ажилласан байдал
1989-1991 онд \”Монел” фирмд инженер
1991-1993 онд \”Эрэл” ХХКомпанийн захирал
1993-1996 онд \”Интер” ХЭАА, ХХКомпанийн захирал
1996-1999 онд Төрийн өмчийн хорооны дарга
1999-2000 онд Улсын Их Хурлын даргын зөвлөх
2000-2001 онд Ардчилсан намын Ерөнхий нарийн бичгийн дарга
2004-2005 онд Төрийн өмчийн хорооны дарга
2005-2008 онд Монгол Улсын Их Хурлын гишүүн
2008-2012 онд Монгол Улсын Их Хурлын гишүүн
2008-2011 онд Улсын Их Хурлын Аюулгүй байдал, гадаад бодлогын байнгын хорооны дарга
2012 оноос Монгол Улсын Их Хурлын гишүүн
2012 оны 7 дугаар сараас 2016 оны 7 сар хүртэл Монгол Улсын Их Хурлын дарга
2014 оны 11 дүгээр сараас 2016 оны 7 сар хүртэл Ардчилсан Намын дарга
Санаачилсан хууль, УИХ-ын бусад шийдвэрийн төсөл
УИХ-ын гишүүн З.Энхболдын санаачилсан зарим хуулиуд:
2006 он – Газрын тухай хуульд нэмэлт оруулах тухай хуулийн төсөл
2008 он – Харилцаа холбооны тусгай үүргийн сангийн тухай хууль
2009 он – НӨАТ-аас чөлөөлөх тухай хуулийн төсөл
2009 он – Архидан согтуурахтай тэмцэх тухай хуульд нэмэлт оруулах тухай хуулийн төсөл
2009 он – Эрүүгийн хуульд нэмэлт оруулах тухай хуулийн төсөл
2010 он – Үндэсний аюулгүй байдлын үзэл баримтлалын шинэчлэл
2010 он – Олон хүүхэд төрүүлж өсгөсөн эхийг урамшуулах тухай хуулийн төсөл
2010 он – Монгол Мал үндэсний хөтөлбөр батлах тухай УИХ-ын тогтоолын төсөл
2011 он – Жижиг дунд үйлдвэрийн тухай хуульд өөрчлөлт оруулах тухай хуулийн төсөл
2011 он – Иргэний эрүүл мэндийн даатгалын тухай шинэчилсэн найруулга
2011 он – Хүний хөгжил сангийн тухай хуульд нэмэлт оруулах тухай хуулийн төсөл
2012 он – Тэтгэвэрийн зөрүүг арилгах тухай хууль
2012 он – Орон нутгийн сонгуулийн тухай хуульд нэмэлт өөрчлөлт оруулах тухай хуулийн төсөл
2012 он – Монгол Улсын Их хурлын сонгуулийн тухай хуульд нэмэлт оруулах тухай хуулийн төсөл
2012 он – Хүнсний бүтээгдэхүүний аюулгүй байдлыг хангах тухай хуулийн төсөл
Г.Нараа
