АТГ: 60 тэрбумын асуудалтай холбоотой хүмүүсийг шалгаж, байцаалт авч байна

АТГ-аас сар бүрийн 25-ны өдөр хэвлэлийнхэнд нээлттэй мэдээлэл өгөхөөр боллоо. Энэ үеэр хэд хэдэн асуудлын талаар мэдээлэл өгөв. Тухайлбал Шадар сайд У.Хүрэлсүхийг тагнаж чагнасан хэрэгт одоогоор есөн хүнийг шалгаж байгаа гэв.

 

Мөрдөн байцаалтын явцын талаар Авилгатай Тэмцэх Газрын  Мөрдөн шалгах хэлтсийн дарга Э.Идэрцог \”Шадар сайд У.Хүрэлсүх долдугаар сард өөрийн төрсөн дүү н.Отгонбаяраар дамжуулаад төрөл төрөгсөдтэйгөө нийлж өөрийгөө мөрдөн мөшгөсөн гэх мэдээлэл олон нийтийн мэдээллийн хэрэгслээр тараасан байж болзошгүй гэсэн үндэслэлээр прокурорын байгуулагт шалгагдаж байна. Үүнтэй холбогдуулан Шадар сайд У.Хүрэлсүхийг яллагчдаар татах саналыг нийслэлийн прокурорын газарт хүргүүлсэн. Уг хэрэгт Ерөнхий сайд Ж.Эрдэнэбат холбогдсон гэдэг нь одоогоор тогтоогдоогүй байна” гэв.

 

Өнөөдрийн байдлаар хуулийн байгууллагаас гадуур хуулинд заасан эрхийнхээ хэмжээнд тусгай мэргэжилтнүүдийг оролцуулсан комисс бүрдүүлээд нийслэлийн прокурорын газар шинжээч дүгнэлтийн ажил хийгдэж байгаа. Үүнээс гадна 2016 оны 8 сарын 28-нд бичигдсэн байж болзошгүй гэсэн 40 минутын бичлэг гарч ирсэн. Саяхнаас 5 орчим минутын бичлэг нэмэгдсэн. Нийтдээ 162 минутын бичлэг болсон. Нэр дурдагдсан иргэдээс байцаалт авах үйл ажиллагаа нийслэлийн прокурорын байгууллага дор мөрдөн байцаах ажил явагдаж байна\” гэсэн хариултыг өгөв.