Улсын хэмжээнд 65.9 сая толгой мал өвөлжиж, хаваржина

 

 

 2017-2018 онд урьдчилсан
байдлаар 1629 багийн 177480 өрхөд 65.9 сая толгой мал өвөлжиж, хаваржихаар
байна. Гантай болон гандуу аймаг, сумын нутаг дэвсгэрт өвс хадлан бэлтгэх
боломжгүй болжээ. Нийт мал сүргийн 60 орчим хувь нь дундаас доош тарга хүч
авсан нь зуны ихэнх хугацаанд гантай, гандуу байсантай холбоотой аж. Засгийн
газрын 186 дугаар тогтоолоор аймаг, сумын аюулгүйн нөөцөд 30.8 мянган тонн өвс,
11.7 мянган тонн тэжээл бэлтгэхээс одоогийн байдлаар 12.4 мянган тонн өвс буюу
40.2 хувьтай, 2.5 мянган тонн тэжээл буюу 21.1 хувьтай бэлтгэжээ. Малчдын
түвшинд 712.3 мянган тонн өвс, 816.0 тонн сүрэл, 6266.4 тонн ногоон тэжээл,
6528.3 тонн үйлдвэрийн тэжээл, 28.5 мянган тн гар тэжээл, 289.8 тонн дарш, 37.3
мянган тонн давс, хужир бэлтгэж, бэлтгэл ажил 57.9 хувьтай байна.