Н.Энхбаяр тэргүүтэй МАХН-ын II их чуулган эхэллээ

 

МАХН үндсэндээ хоёр хуваагдаад байгаа билээ. Өмнө нь О.Баасанхүү тэргүүтэй гишүүд, дэмжигчид мөн их чуулганыг зохион байгуулж байсан бол энэ удаад Н.Энхбаяр тэргүүтэй намын төлөөлөгч, гишүүд МАХН-ын II их чуулганыг эхлүүллээ. 

Чуулганд дүүрэг, сум, хороо зэрэг намын анхан шатны нэгжээс 1044 төлөөлөгч оролцож байна.

 

Энэ удаад:

Чуулган өнөөдөр, маргааш хоёр өдөр үргэлжлэх юм байна. Эхний өдөр Монгол Улсын ирээдүйн хөгжлийн бодлого сэдвээр  МАХН-ын дарга, Монгол Улсын гурав  дахь Ерөнхийлөгч Н.Энхбаяр, МАХН-ын дүрмийн нэмэлт, өөрчлөлтийг   МАХН-ын дэд дарга Ц.Оюунбаатар, МАХН-ын Тамгын газрын дарга Н.Уламбаяр танилцуулна. Мөн  МАХН-ын Гүйцэтгэх товчоо, Бага чуулганы үйл ажиллагааны тайлан, Хяналт, ёс зүйн хорооны ажлын тайлан, Монгол Улсын ирээдүйн хөгжлийн бодлого илтгэлийг тус тус батлах ажээ.

МАХН-ын бүтэц, зохион байгуулалтын асуудлын хүрээнд МАХН-ын дарга, МАХН-ын Хяналт, ёс зүйн хорооны гишүүд, МАХН-ын Бага чуулганы гишүүдийг сонгох юм байна. Түүнчлэн МАХН-ын II их чуулганаас сонгогдсон Бага чуулганы анхдугаар хуралдааны хүрээнд Ерөнхий нарийн бичгийн дарга, Дэд дарга нар, МАХН-ын Гүйцэтгэх товчооны гишүүдийг сонгохоор төлөвлөсөн байна.