Женнифер Лоуренс улс төрийн авилгын эсрэг тэмцэгч болно

Оскарын
шагналт, Холливудын хамгийн өндөр орлоготой жүжигчдийн нэг Женнифер Лоуренс нэг
жил гаруй хугацаанд кино дэлгэцнээс хол байх нь ээ. \”Hunger Games” киногоороо алдрын
оргилд хүрсэн жүжигчин бүсгүй улс төрийн оролцоогоо идэвхтэй болгох үүднээс 12
сарын турш кино урлагаас завсарлага авахаар болжээ.

Тэрээр хэдийнээ
өөрийн хамтрагч, найруулагч дэвид О’Расселийн
дэргэд АНУ-ын Төлөөлөгчдийн зөвлөлийн гишүүн болсон аж. Энэхүү ашгийн бус
байгууллагын кампанит ажил нь улс төрийн авилга хээл хахуулийг зогсоож, авилгын
эсрэг үйл ажиллагаа явуулах зорилготой юм. Тэрээр удахгүй
дэлгэцнээ гарах \”Red
Sparrow” киноныхоо
талаар ярьж байхдаа \”Би нэг жилийн хугацаанд ажлаасаа завсарлага авах болно оо.
Тэгээд АНУ-ын Төлөөлөгчдийн зөвлөлийн нэг бүрэлдэхүүнээр хамтран ажиллаж, орон
нутгийн түвшинд залуусыг улс төрд татан оролцуулах ажлыг хийнэ. Энэ нь
авилгатай тэмцэж бөгөөд авилгаас урьдчилан сэргийлэх, ардчиллыг бэхжүүлэх,
төрийн зохицуулалтыг хуулиар баталгаажуулах зорилготой” хэмээн өгүүлсэн байна.

Тэрээр
хамгийн сүүлд жүжигчин Жоэль Эдгертон, Шарлот Рамплин, Жереми Айронс болон
Жоэли Ричардсон нарын хамт тагнуулын тухай \”Red Sparrow” киноны гол дүрийг бүтээсэн билээ. Лоуренс өнгөрсөн
хугацаанд хийсэн хэд хэдэн үйлдлээрээ хэдийнээ улс төрийн тэмцэгч болсноо мэдэгдээд
байгаа юм. Мөн тэрээр 2015 онд Холливудын цалин хөлсний ялгаатай байдлын тухай
асуудал хөндөн дэлгэсэн анхны эмэгтэй жүжигчдийн нэг болсон юм. Түүнчлэн
өнгөрсөн сард Лоуренс нь Камерон Диаз, Адель зэрэг алдартнуудын хамт
Лос-Анжелес хотноо Эмэгтэйчүүдийн эрх тэгш байдлын төлөөх жагсаалд идэвхтэй
оролцсон байна.

Б.Болормаа