60 настай “жадаран”-ыг 20 настай Монгол охинтой суухыг хүлээн зөвшөөрдөг Ерөнхийлөгч

 

 

 

Сүүлийн үед \”Улаанбаатар
Таймс” сонины хуучин муу балгасыг 24 тэрбум төгрөгөөр үнэ цохиж авсан Абдул
Карим гэгчийн талаар ор үндэсгүй мэдээлэл олон явах боллоо.

Монгол Улсад 30 жил
амьдарсан, Катарын иргэн хэмээх Абдул Карим үнэндээ Иракийн иргэн бөгөөд Бээжин
дэх Иракийн Элчин сайдын яаманд ажиллаж, тэндээсээ Монголд амьдарч дэлхийн
хамгийн баян улс Катарын мөнгийг үл тоодог баячуудын мөрөөдөл болсон шонхор шувууг Монголоос өндөр үнээр худалдсаар
хөрөнгөжсөн нэгэн аж. Ямар эх үүсвэрээс хэт хөрөнгөжиж, Монголын тэргүүн баячуудыг өрөвдөлтэй байдалд оруулсныг мэдэхгүй ч учир мэдэх хүмүүс шонхор
шувуу дотор цагаан шонхор хэмээх нэн ховор шувуу байдаг бөгөөд түүнийг жирийн шонхроос хэдэн зуу, хэдэн мянга дахин өндөр үнээр Монголоос худалдан авдаг тухай ярьж байсан юм. Гэхдээ түүний ард Катарын дээдсүүд байгаа эсэхийг үгүйсгэхгүй.

За ямар ч байсан шонхортой болсон хэт баярласан Катарын баячууд Персийн булангаар нэг тэнэж хаа хамаагүй ан хийж ямар сайндаа л Пакистаны Засгийн газарт торгуулж явахав. Тэгвэл 2012
онд Монгол Улсын иргэншил авсан Ирак гаралтай Абдул Карим Монгол Улсын хууль
тогтоомжийн дагуу Ирак Улсын иргэншлээс татгалзаж Монгол Улсын иргэн болсон
биз.

Тэгээд ч хуулинд Монгол Улсын иргэн газар өмчлөх эрхтэй гэж заасан байдаг
бөгөөд Абдул Каримын үйлдлээс харь гаралтай болон Монгол Улсад төрөөгүй хүн
Монголд Улсад газар өмчилж болох ажээ. Түүнчлэн өдгөө 60 гарч буй энэ хүн 24
настай Монгол эхнэртэй, бүр гэрлэлтээ батлуулсан гэх мэдээлэл байгаа бөгөөд
Монгол Улсын иргэншил авахын тулд Монгол хүнтэй суув уу, аль эсвэл аргагүй
хайрлан дурлалцаад суув уу ямартай ч, Монгол Улсын иргэншлийг зөвхөн Монгол
Улсын Ерөнхийлөгч олгодог бөгөөд ингэхдээ горилогч этгээдийн бүрдүүлсэн бичиг
баримтыг үздэг.

Тэгэхээр түүнд 60 гарч буй харь гаралтай Абдул Карим 24 настай
Монгол охинтой гэр бүл болсноо гэрчлэх Гэрлэлтийн
баталгаа үзүүлсэн болж таарах гээд байна. Хүний эрхийг дээдэлдэг барууныг шүтэгч,
ардчилсан Ерөнхийлөгч Ц.Элбэгдорж маань 24 настай Монгол охинтой 60 гарсан харь
өвгөнийг сууж байгааг хүлээн зөвшөөрсөн нь дэндүү ардчилсан загнаж, хүний
эрхийг дээдэлсэн хэрэг болчихов уу аль эсвэл ардчилал нэрийн доор хүний эрхийг
зөрчсөн үйлдэл болчихов уу ёстой бүү мэд. Юутай ч, гаднын хэд хэдэн оронд 20
гарч буй охинтой 60 гарч буй өвгөн эр эмийн харилцаа үүсгэснийг олон нийт
ихээхэн буруушааж, өвгөнд шийтгэл оногдуулахын тулд шүүхээр хүртэл шийдвэрлүүлж
байсан цаг саяхан мэт санагдана.

*Жадаран-Эрт цагт монголчууд харь гаралтай гаднын
хүнийг ингэж нэрлэдэг байсан /Монголын Нууц Товчоо/

 

Э.Төгс