Жаст” компанийн захирал асан Ш.Батхүү Стандарт банкнаас зээл авахдаа “Эрдэнэт” үйлдвэрийг баталгаа болгож хуурамч гарын үсэг үйлдэж, хийсэн гэдгээ мэдэгдсэн.Тус хэрэгт холбогдуулан Авлигатай тэмцэх газраас “Эрдэнэт” үйлдвэрийн хуулийн хэлтсийн даргаар ажиллаж байсан Ч.Мөнхжаргалыг хорьж, шалгаж байгаа. Тэгвэл өчигдөр Ч.Мөнхжаргалын өмгөөлөгч Б.Мэргэн хэргийг шийдвэрлэхэд нотлох баримт болох баримт бичгийг Авлигатай тэмцэх газарт хүргүүлжээ. Энэ талаар Ч.Мөнхжаргалын өмгөөлөгч Б.Мэргэнээс зарим зүйлийг тодрууллаа.
-Авлигатай тэмцэх газарт Арбитрын шүүх холбоотой нотлох баримтыг хүргүүлж байна. Ямар баримтыг хүргүүлж байна вэ?
Арбитрын шүүхээс хэд хэдэн шийдвэр гарсан байдаг. Тухайлбал, Хамгийн анх 2016 оны есдүгээр сард гарсан байгаа. Дараа энэ шүүхийн шийдвэрийг холбоотой төлбөрийн барагдуулах юм уу. Эсвэл давж заалдах юм уу гээд Английн хатан хааны дэргэдэх шүүх дээр холбогдох хэргүүдийг хэлэлцсэн байдаг. Бид арбитрын шүүх ийм хэрэг шийджээ гэж яриад байдаг. Мөн давж заалдахтай ийм маргаан гарч гэж яриад байдаг. Гэтэл арбитрын шийдвэрүүд Монгол Улсад албан ёсоор ирсэн юм уу. Хаана байгаа нь гэдэг нь тодорхойгүй байгаа. АТГ газар тэр шийдвэрүүдийг аваад шалгаж байна уу гэдэг дээр тодорхой мэдээлэл байхгүй байгаа. Арбитрын шүүхийн шийдвэр интернет ил байж байгаа. Иймээс энэ шийдвэрийг яаж орж харах уу гэдгийг бичсэн байгаа. Мөн ил байгаа шийдвэрүүдийг нотлох баримтын шаардлагын хангуулж, хэрэгт хавсаргахгүй бол болохгүй байна. Хэргийг тал талаас бүрэн бодиттой шийдэхэд энэ нотлох баримт хэрэгтэй байна гэдэг байдлаар шүүхийн шийдвэрийг албан ёсны орчуулгын хийлгэж, англи хэлтэй нь АТГ өгч байна.
– Арбитрын шүүхийн шийдвэр өөр ямар асуудлууд байна вэ?
-Арбитрын шүүх шийдвэр дээр хэд хэдэн асуудал байгаа. Нэгдүгээрт Эрдэнэт үйлдвэр нотлох баримтыг гаргаж өгөөгүй. Удаа дараа нотлох баримт гаргаж өгөөч гэж шаардсан боловч өгөөгүй байна. Хоёрдугаарт Шүүх хурал болон давж заалдах шүүх хурал дээр ирж оролцооч ээ гэж удаа дараа хангалттай мэдэгдсэн гэж байгаа. Мөн өмгөөлөгчөөр дамжуулан оролцооч ээ гэхэд оролцоогүй. Шүүх хуралдаан оролцооч ээ гэж хангалттай мэдэгдээд байхад шүүхийг үл хүндэтгэсэн гэж бичигдсэн байгаа. Мөн нотлох баримт гаргаж өгөөч гэхэд, нотлох баримт гаргаж өгөхөөс татгалзсан. Ингээд өөрсдөд ашигтай шийдвэр гаргах гэж байхад өөрсдөө ямар хариуцлагагүй хандсан байгаа.
-“Жаст” компанийн захирал асан Ш.Батхүү бичиг баримт хуурамчаар үйлдсэн гэдгээ хүлээн зөвшөөрөөд байгаа. Энэ асуудал Ч.Мөнхжаргал холбоотой юу?
-Английн болон Монголын шинжээчид тамга тэмдэг хуурамч байна гэдгийг тогтоосон байга Нийтдээ 12 төрлийн албан бичгийг 170 орчим хуурамч баримт үйлдсэн нь 30 гаруй жил шинжээч хийсэн шинжээчийн дүгнэлтээр нотлогдсон а. Үүнийг бид бас орчуулсан байгаа. Хавтас хэрэгтээ хавсаргахыг санал болгож байгаа. Гэхдээ АТГ нотлох баримт болгох үгүй эдний асуудал. Бид өөрсдөө байгаа бүх нотлох баримтыг боломжоороо гаргаж өгч байна.
-Ч.Мөнхжаргал “Эрдэнэт” үйлдвэрийн хуулийн хэлтсийн даргаар ажиллаж байсан. Нотлох баримтыг хэн гаргаж өгөх байсан вэ. Дарга нь уу, эсвэл Ч.Энхжаргал уу?
-Тухайн үед Мөнхжаргал хуулийн хэлтсийн даргаар ажиллаж байсан. Харин хэрэг шалгаад эхлэх үед хуулийн хэлтсийн даргаар өөр хүн ажиллаж байсан. Иймээс ажлаа гарчихсан хүн нотлох баримт гаргаж өгөх боломж байхгүй. 2013 оноос одоо хүртэл ажиллаж байсан хүмүүс гаргаж өгөх ёстой.
-Ч.Мөнхжаргалын ямар үндэслэлээр саатуулагдаж байгаа вэ?
– Би ил байгаа асуудлын талаар мэдээлэл өгч байна. Одоогоор хэрэг шалгагдаж байгаа учраас дэлгэрэнгүй мэдээлэл өгөх боломжгүй байна.
