АНУ-ын тэргүүн хатагтай асан Лаура Буш Мексикийн хилээр дамжин хууль бусаар хил нэвтрэхийг оролдсон гэр бүлийнхнийг салгаж буй маргаан дагуулсан бодлогыг буруушаан шүүмжилсэн байна.
Вашингтон Пост сонинд дурдсанчлан тэрээр хүүхдүүдийг эцэг, эхээс нь салгасан явдал харгис хэрцгий, ёс суртахуунгүй, сэтгэл эмзэглүүлсэн хэрэг хэмээн шүүмжилжээ. Түүнчлэн ерөнхийлөгч Доналд Трампын “0 зөвшөөрөл” цагаачлалын бодлогыг дагасан маргаантай асуудал нэмэгдсээр буйг онцолсон байна.
Одоогийн тэргүүн хатагтай Мелания Трамп уг асуудалд санаа зовж буйгаа хэд хэдэн удаа илэрхийлж, “хүүхдүүдийг гэр бүлээс нь салгаж байгаа явдлыг үзэн ядаж байна” гэж хэлж байжээ. Талууд цагаачлалын шинэчлэлийн асуудлаар хамтран ажиллаж, шийдэлд хүрэх хэрэгтэй хэмээн тэрээр өгүүлсэн байна.
Гэсэн хэдий ч бодит байдал дээр ерөнхийлөгч Трампын ерөнхий прокурорын танилцуулсан уг бодлогыг баримт сөхөгчид анхааралдаа авсан бөгөөд конгрессийн үйл ажиллагааг зогсоохыг шаардахгүй байгаа юм.
Сүүлийн зургаан долоо хоногийн хугацаанд хууль бусаар хил нэвтрэх гэж оролдсон 2000 гэр бүлийг салгасан байна. Орогнол хүссэн тэдгээр гэр бүлүүдийн насанд хүрэгчдийг хилийн гадна үлдээсэн бөгөөд тэднийг хууль бусаар хил нэвтрэх гэсэн хэрэгт буруутгаж байгаа аж. Гэвч үр дагаварт нь олон зуун хүүхэд, нярай нарыг агуулах, супермаркетуудыг өөрчлөн зассан хорих төвүүдэд байрлуулжээ.
Б.Болормаа
