Д.Сумъяабазар, Д.Дагвадорж нар нийлж залилан хийсэн үү?

 

Тодруулбал,
Д.Дагвадорж А.Эрдэнэбатын уул уурхайн салбарт 10 гаруй жил үйл ажиллагаа
явуулсан компанийнх нь мөнгийг төсөлд зарцуулна гэж хувийн дансаараа дамжуулан
авч, улмаар хувьдаа ашиглаж, шамшигдуулсан байна. Энэ хэрэгт УИХ-ын гишүүн
Д.Сумьяабазар ч холбогджээ. Улмаар хэргийг шийдвэрлүүлж, хохирлоо
барагдуулахаар олон улсын Арбитрийн шүүхэд хүртэл хандсан байна. Гэвч шүүхэд хандсанаас хойш гурван жил
өнгөрчихөөд байхад ямар нэгэн хариу ирээгүй байгаа аж.

 

А.Эрдэнэбатын мэдэгдлийг бүрэн эрхээр нь хүргэе. \”Миний бие хэдэн жилийн өмнө Монгол түмний хайр
хүндэтгэлийн хүлээсэн сүмогийн их аварга Д.Дагвадорж, УИХ-ын гишүүн
Д.Сумьяабазар, Үндэсний хөрөнгө оруулалтын банкны ТУЗ-ийн дарга Б.Баярсайхан
нартай холбогдож, тэд манай төслүүд дээр нэмэлт хөрөнгө оруулалт хийх, хөрөнгө
оруулагчдыг надад танилцуулсан. Тэрхүү хөрөнгө оруулагч нь БНХАУ-ын иргэн
Хуан Ёу Лун буюу та бид түүний гэргий нь Хятадын алдарт жүжигчин Жао Вэй буюу
\”Хуан Жу Гэг” нэрээр мэдэх байх. Бидний хэрэгжүүлж байсан төсөл
дээр нэмэлт хөрөнгө оруулалт хийхээр Хуан Ёу Лун Эрдэнэбат миний нэр дээр 10
сая долларын зээлийн гэрээ хийсэн.

Уг мөнгийг Д.Дагвадоржийн
банк болох ҮХОБ-аар дамжуулан оруулж ирсэнч мөнгө бүтнээрээ
Д.Дагвадоржийн хувийн данс руу шилжсэн байдаг юм. Өөрөөр хэлбэл, захиран
зарцуулалтыг Д.Дагвадорж хийсэн байдаг.

Зээлийн гэрээг нэр дээрээ
хийсэн миний бие ганц ч долларыг захиран зарцуулалгүй, миний хувийн дансанд нэг
ч доллар шилжин орж ирээгүй. Гэтэл Хуан Ёу Лун 10 сая доллараа 15 сая
доллар болгон надаас нэхэмжилж эхэлсэн тул энэ хэргийг би хуйвалдааны,
залилангийн шинжтэй хэмээн үзэж Монголын хууль хяналтын байгууллагад хандан,
энэ хэрэг одоо шалгагдаж байна.

Гэтэл, Д.Дагвадорж дээрх
мөнгийг өөрийн дансанд шилжүүлэн авч ашигласан атлаа өөрөө хохирсон хохирогч
болж хууль цагдаад хандаж, намайг залилагч мэт болгож худал мэдээлэл тараасаар
тодорхой цаг хугацаа өнгөрлөө. Аливаад хэмжээ хязгаараас гадна үнэн гэж бий.
Энэ шударга бус үйлдлийг би арбитрийн шүүхэд өгсөн.

Мөн үүний зэрэгцээД.Дагвадорж нь Хуан Ёу Лунгийн \”Итгэмжлэгдсэн төлөөлөгч\” хэмээн
өөртөө үүрэг хүлээж миний ажиллаж байсан бас нэгэн төсөл дээр гомдол гарган
хууль хяналтын байгууллагаар явж байгааг мэдээд ихэд гайхаж байна. Энэхүү төсөл
нь надад одоо огтхамаагүй бөгөөд Хуан Ёу Лунг өөрөө ямарваа гомдол байгаа
бол өөрийн биеэр ирж, өргөдлөөхуулийн дагуу зохих байгууллагад нь гаргах
эрхтэй.

Харин миний зүгээс
Д.Дагвадоржид учруулсан хохирол огт байхгүй бөгөөд тэрбээр ийнхүү хүний
өмнөөс хууль бус үйлдлүүдийг идэвхтэй явуулж байгаад үнэхээрийн гайхаж байна. Эцэст нь би хэн нэгнийг
гүтгэж, бусдын нэр төрд халдаагүй гэдгээ хариуцлагатайгаар хэлье. Олны танил,
нэр хүнд, хэвлэл мэдээллийн давуу байдлыг үл харгалзан үнэн шударгыг тогтоож
чадах хуулийн байгууллага бий гэдэгт би итгэж байна” гэв.

 

Амар