Мото спорт сонирхдог хүний хувьд энэ чиглэлийн уралдаан тэмцээнүүдийг аль болох үзэхийг хичээдэг нэгэн билээ би гэдэг хүн. Авто машины уралдаанууд дундаас ОХУ-д үйлдвэрлэсэн УАЗ-469 машины бартаат замын уралдаан ихээхэн анхаарал татдаг. Монголын авто мастеруудын холбооноос жил бүр ийм төрлийн тэмцээнийг явуулдаг бөгөөд сүүлийн үеийн тэмцээн уралдаанд шинэ залуу тамирчид хүч түрэн орж ирэх болсон. Эдний дунд Б.Бат-Энэрэл гэж нүдээрээ инээсэн залуу тамирчин бий.
Тэрбээр Авто спортын төрлөөр 2014 оны 09-р сараас хичээллэж эхлэсэн гэх бөгөөд тус онд зохион явагдсан \”Монгол ралли” улсын аваргын алтан медаль, 2016 онд \”Намар мастер кросс”, \”Нээлт мастер кросс”, ”Чингис мастер кросс”зэрэг тэмцээнүүдээс тус бүр доод ангиллын буюу залуучуудын тэмцээнээс 3 алтан медаль, 2016 оны 04-р сарын 03-ны өдөр явагдсан \”Чингис мастер кросс” тэмцээний дээд ангилалд хүрэл медалийг тус тус хүртсэн нь богинохон хугацаанд чамлахааргүй олон амжилтуудыг гаргасан, Авто спортын дэд мастер цолтой залуу юм байна.
Б.Бат-Энэрэл дан ганц авто спортоор хичээллэдэг төдий биш ширээний теннисний спортоор мөн хичээллэж энэ спортод өндөр амжилт гаргаж, Ширээний теннисний спортын Дэд мастерийн цолтой нэгэн гэнэ. Тухайлбал: Тэрбээр ширээний теннисний аймгийн аварга тамирчин болж байсан төдийгүй улсын аваргын олон тэмцээнүүдэд амжилтай оролцож чамлахааргүй амжилтыг гаргасаар байгааг дуулаад өөрийн эрхгүй залуу хүний эрч хүч түүнээс мэдрэгдэх шиг боллоо. 
Монголын олон залуус түүн шиг спортоор хичээллэж, эрүүл мэнддээ анхаараасай гэж бодсоноо нуух юун.
Авто спортын төрөлд шижигнэсэн амжилт гаргаж яваа залуу тамирчин Б.Бат-Энэрэл зөвхөн тамирчин төдийгүй улс төр олон нийтийн ажил, бизнесийн салбарт амжилттай яваа гэнэ. Тэрбээр 2003-2007 онд Их Засаг Их Сургуулийг \”Эрх зүйч” мэргэжлээр төгсөөд төрөлх Ховд аймагтаа бизнесийн гараагаа эхлүүлснээс хойш Бизнесийн салбарт олон жил хариуцлагатай ажиллаж өдгөө 2 компани, спортын нэг клубыг тэргүүлэн, хамт олноо удирдан өөрийн идэвх зүтгэл, авьяас чадвараа дайчлан амжилттай ажиллаж байгаа шилдэг залуу удирдагчийн нэг юм байна.
Түүгээр зогсохгүй Б.Бат-Энэрэл тамирчин маань 2012 оны орон нутгийн сонгуульд Ардчилсан намаас Ховд аймгийн Жаргалант сумандаа нэр дэвшин Ховд аймгийн ИТХ-ын Төлөөлөгчийн сонгуульт ялалт байгуулан аймгийн ИТХ-ын төлөөлөгчөөр ажилладаг гэдгийг сонсоод барархах сэтгэл төрлөө. 
Залуу хүний хувьд аймгийн хэмжээнд Залуучууд руу чиглэсэн бодлого боловсруулахад идэвхтэй оролцон, өөрийн байр сууриа илэрхийлэн, залуус руу хандсан олон ажлыг аймаг орон нутагтаа санаачлан хийж байсан гэдгийг дуулаад түүгээр бахархах сэтгэл төрлөө.
Эх орондоо залуу хүн сэтгэж хөдөлмөрлөн сайхан амьдарч, нийгмийн хариуцлагаа ухамсарлаж, олон нийтийн итгэлийг хүлээж, сонгож сонгогдож ажиллан, спортын төрлөөр хичээллэн амжилт гаргаж болдогийн жишээг Ховд аймгийн ИТХ-ын залуу төлөөлөгч, Авто спортын болон ширээний теннисний спортын Дэд мастер Б.Бат-Энэрэл өөрийн биеэр үлгэрлэн үзүүлсэн байна. Монгол улсад Б.Бат-Энэрэл шиг үүрэг хариуцлагаа ухамсарладаг залуус олон байгаасай гэсэн бодол иргэний хувьд надад төрсөн юм.
Иргэн А.Батболд
