Э.Амарбат: Б.Булганыг С.Зориг агсны хэрэгт холбогдуулан шалгаж байгаа нь үнэн

Прокурорын байгууллагаас 2016 оны 1-р улиралд улсын хэмжээнд хяналтын чиглэлээр хийж гүйцэтгэсэн ажлын талаар Улсын Ерөнхий прокурорын туслах, Дотоод аюулгүй байдлын хэлтсийн дарга Э.Амарбат, Нийслэлийн прокурорын газрын хяналтын прокурор

Г.Бясман нар мэдээлэл хийлээ. 

 

Захиргааны зөрчлийн хэрэг бүртгэх ажиллагаанд тавих хяналтын чиглэлээр 27 гомдол хүлээн авч, 117 шалгалт хийж, 14,643 захиргааны зөрчлийн материалыг хянаж, 62 шийтгэврийг хүчингүй болгож, 2 материалд эрүүгийн хэрэг үүсгэн шалгуулсан ба шалгалтын явцад 1,714 зөрчил илрүүлж, 44 иргэний зөрчигдсөн эрхийг сэргээн, захиргааны зөрчлийн хэрэг бүртгэлтийн ажиллагаа явуулах эрх бүхий байгууллагуудад давхардсан тоогоор нийт 53 шаардлага хүргүүлж, 4 албан тушаалтанд хариуцлага тооцуулсан байна.

Гэмт хэргийн талаарх гомдол, мэдээллийг хүлээн авах, шалгах ажиллагаанд тавьсан хяналтын чиглэлээр 29,427 гэмт хэргийн талаарх гомдол, мэдээллийг хүлээн авсан нь өмнөх оны мөн үетэй харьцуулахад 4.5 хувиар өссөн дүнтэй байна. Үүнээс 7,473 буюу 25.3 хувьд нь эрүүгийн хэрэг үүсгэж 16,775 буюу 57 хувьд нь эрүүгийн хэрэг үүсгэхээс татгалзаж шийдвэрлэжээ.

Эрүүгийн хэрэг бүртгэх, мөрдөн байцаах ажиллагаанд хяналт тавих ажлын чиглэлээр14,767 хэрэгт хэрэг бүртгэлт, мөрдөн байцаалтын ажиллагаа явуулсан нь өмнөх оны мөн үетэй харьцуулахад 11.2 хувиар буурсан үзүүлэлттэй байна. Нийт хэргийн 5,240 буюу 35.4 хувь нь хөнгөн, 7,443 буюу 50.4 хувь нь хүндэвтэр, 1,348 буюу 9.1 хувь нь хүнд, 736 буюу 4.9 хувийг онц хүнд хэрэг эзэлж байна.

Уг мэдээллийн дараа сэтгүүлчид Улсын Ерөнхий прокурорын туслах, Дотоод аюулгүй байдлын хэлтсийн дарга Э.Амарбат цаг үеийн зарим асуудлаар тодруулга авсан юм. 

 

-С.Зориг агсны гэргий Б.Булганыг
ямар хэрэгт холбогдуулан цагдан хорьж байгаа нь одоо ч тодорхойгүй байна. Энэ
талаар тайлбар өгөхгүй юу?

-С.Зориг агсны үхлийн хэрэгтэй холбогдуулан түүний эхнэр Б.Булганыг цагдан
хорьж байгаа. Өнгөрсөн долоо хоногийн сүүлээр УИХ-ын зарим гишүүд очиж, нөхцөл байдалтай
танилцаад явсан. Улмаар Б.Булганы цагдан хоригдож буй нөхцөл байдлын талаар
нийтэд мэдээ, мэдээлэл хүргэсэн байсан. Прокурорын байгууллагаас нөхцөл байдал
ямар байгааг тодруулах, гишүүдийн ярьж байгаа үндэслэлтэй зөв байна уу гэдгийг
албан ёсоор шалгаж байгаа. Шалгалтын дүн ойрын хугацаанд гарна. Түүний дараа
албан ёсоор мэдээлэл өгнө.

 

– УИХ-ын гишүүн Х.Баттулгын гэгдэх хоёр
компанид нэгжлэг хийсэн. Нэгжлэгийн зөвшөөрлийг прокуророос өгсөн гэж ЦЕГ-аас
тайлбар өгсөн байдаг. Энэ ямар учиртай нэгжлэг болсон бэ?

– УИХ-ын гишүүн Х.Баттулгын хувь эзэмшдэг Баянгол зочид буудлын зарим өрөөг
түрээсээр ашигладаг хоёр аж ахуйн нэгжид нэгжлэг хийсэн. Нэгжлэг хуульд заасан үндэслэлийн дагуу
прокурорын зөвшөөрөлтэйгөөр хийгдсэн. Нэгжлэгийн үеэр хүний эрх, эрх чөлөө үл
зөрчигдөх нөхцөл байдлыг хангах үүднээс
прокурорыг оролцуулсан. Ажиллагааны явцад нэгжлэг явуулж байгаа газарт
хөндлөнгийн этгээдүүд хүчээр түрэн орж, нэгжлэгийн үйл ажиллагаанд саад
учруулахыг оролдсон. Мөн нэгжлэгийн дараа баривчлагаа явагдах юм шиг буруу
мэдээллийг тарааж, олон нийтийг цуглуулсан гэх мэтчилэн олон асуудал тухай үед
болсон.

Эрүүгийн байцаан шийтгэх ажиллагаа өөрөө онцгой ажиллагаа байдаг. Тиймээс
тусгайлан хуулиар зохицуулж, оролцогч байгууллага албан тушаалтны эрх үүргийг
тодорхойлж өгсөн байдаг. Хуульд заасан аливаа ажиллагаанд хөндлөнгөөс нөлөөлөх,
аливаа байдлаар ажиллагааг тасалдуулахыг
оролдохыг хориглодог.

Энэ тохиолдолд мөрдөн
байцаалтын ажиллагаанд саад учруулсан гэж үздэг. Цаашид УИХ-ын гишүүний бүрэн эрхээр далайлгаж, аль
нэг өндөр албан тушаалын эрх мэдлээ ашиглаж хууль хяналтын байгууллагын зохих
үндэслэл журмын дагуу явуулж байгаа ажиллагаанд
хэн нэгнийг хөндлөнгөөс оролцох, ажиллагааг тасалдуулахад чиглэсэн үйл
ажиллагаа явуулахыг хүлээн зөвшөөрөхгүй гэж хэлмээр байна. Нэгжлэгийн ажиллагаа
явагдаж байхад ямар нэг байдлаар саад хийвэл албадан гүйцэтгэдэг хуультай.
Нэгжлэгийн үеэр тухайн аж ахуйн нэгжүүдийн үйл ажиллагаатай холбоотой
зарим санхүүгийн баримт эд зүйлийг
хурааж авсан. Мөрдөн байцаалтын ажиллагаа үргэлжилж байна.

 

Амар