АН Засгийн газраа “авч үлдэх” боломжит хувилбар

УИХ-ын гишүүн О.Баасанхүүгийн удирдсан \”Шударга ёс” эвслийн бүлэг богино,
бүр дэндүү богино настай байж. Ч.Улаан, Н.Батцэрэг, Д.Тэрбишдагва, М.Сономпил
намаа орхиж, угшилаа сэргээснээр \”Шударга ёс” гэх эсвлийн бүлэг үгүй боллоо. Хамгийн
гол нь эвслийн бүлэг байхгүй болсноор Монгол Улсын Засгийн газар эрх зүйн хувьд
чадамжгүй болж, зарим гишүүдийн тайлбарлаж байгаагаар огцроход хүрч байна л
даа. Угаас олонхгүй нам бусад намуудтайгаа эвсэж байж л Засгийн газраа
бүрдүүлэх жамтай. Харин олон хүний санал авсан ч \”олонх болж чадаагүй”. Тиймээс
л өнгөрсөн дөрвөн жилд бусдын бүлгийг царайчилж, өөрийн засгийг төвхнүүлж явсан
гээд хэлчихэд буруудахгүй биз. Эргээд санахад МАХН-ын дарга Н.Энхбаяр Засгийн
газруудыг /Шинэчлэл, Шийдэл/ мөн ч их \”сандаргасан даа”. Тухайн үедээ Н.Энхбаяр
шиг \”гол хүн” байхгүй мэт л байлаа.

Гэвч сонгууль дөхмөгц түүнийг шадарлаж байсан хүмүүс түлхэж орхиод л төрхөм
рүүгээ гүйж одох нь тэр. Ингээд л МАХН бүлэггүй болж, тэр хэрээр хүч нь суларч,
хажууд нь АН-ын Засгийн газрын хувь заяа дахин ганхаж эхэллээ.

Гэхдээ АН-д Засгийн газраа авч үлдэх боломж нэг хувилбар байна. Ер нь
түүнийгээ ч хэрэгжүүлээд эхэлсэн гэж хэлж болно.Тодруулбал, энэ удаад АН хэн
нэгний намыг царайчлах бус харин өөрсдөө дангаараа Засгийн газраа байгуулах
боломжтой. Ингэхийн тулд тэд УИХ-д олох болох нь чухал. Үүний тулд Н.Батцэрэг,
М.Сономпил нарыг өөрийн нам урвуулж чадлаа. Ингэснээр 35-лаа байсан АН 37 болж
нэмэгдэж байна. Одоо 38 болоход л тэд олонх болж Засгийн газраа дангаараа, эрх
дураараа байгуулах боломжтой болох юм л даа.

Тэгэхээр угаас АН-ыг дэмждэг ИЗНН-ын хоёрыг намдаа элсүүлж болох юм. Эсвэл
ИЗНН-тай нэгдэж бас нэг хамтарсан Засаг байгуулж ч болно. Гэхдээ ер нь л
дангаараа байгуулчихвал санаа амар. Тиймээс ИЗНН-ын хоёр \”үнэд орвол” ХҮН-ын
дарга УИХ-ын гишүүн С.Ганбаатарыг татан авах бас нэг хувилбар бий юм.

 

Ингээд АН-ын Засаг байгуулагдахаар болвол МАХН-ын З.Баянсэлэнгэ, Ц.Цолмон,
Ц.Оюунбаатар нар суудлаа тавьж өгөх шаардлагатай болно. Өөрөөр хэлбэл АН-д
Шадар сайд, Барилга, Батлан хамгаалах, Эрүүл мэнд гэх дөрвөн сайдын квот орж
ирнэ. Магадгүй энэ квотыг аль эрт л өөрийн болгох гээд л Эрүүл мэндийн сайдын
асуудлыг хойшлуулсаар байсан ч байж болзошгүй. Мөн С.Ламбаа бараг л сайдын
үүрэг гүйцэтгэж байгаа зэргээс харахад шатраар бол \”мад тавих” ажлаа
эхлүүлчихсэн байжээ гэж харагдаад байгаа юм.