Сүүлийн жилүүдэд террорист үйл ажиллагаа, улс орнуулын дотоодын зөрчил зэргээс хамааран дэлхийн энх тайван байдал буурсан байна гэж Олон улсын Энх тайвны Индекст бичжээ.
“Хамгаалал болон аюулгүй байдал”, “цэрэгжилт”, “үргэлжилж буй дотоодын, олон улсын мөргөлдөөн” гэсэн гурван хүчин зүйл дээр тулгуурлан 163 улсын энх тайвны индексийг тодорхойлсон байна. Исланд улс 2008 оноос хойш хамгийн тайван улсаар тодорсон бөгөөд өдийг хүртэл энэ байр сууриа хадгалсаар байна. Харин Шинэ Зеланд, Австри улс удаалжээ.
Сүүлийн таван жилийн турш Сири улс хамгийн их мөргөлдөөнтэй улсаар тодорсон бол Афканстан, Өмнөд Судан, Ирак улс Сирийн дараа бичигдэж байна. Харин Монгол улсын хувьд олон улсын энх тайвны индексээр 163 орноос 46-т жагсчээ.
Өнгөрсөн жилтэй харьцуулахад 2018 онд олон улсын энх тайвны түвшин 0.27 хувиар буурсан аж. Мөн 92 улсын тогтвортой байдал улам дордсон бол 71 улсын нөхцөл сайжирчээ. Нийтлэг дүнгээр Энэтхэг, Непал, Бутан, Шри-Ланк зэрэг өмнөд азийн орнуудын гарч илүү тайван болсон байна.
2017 оны ерөнхийлөгчийн сонгуульд ялсан Адама Барров хөрш орнуудтайгаа харилцаагаа сайжруулж, бүс нутагтаа улс төрийн тогтвортой байдлыг бий болгосноор Гамби улс 35 байраар урагшилж, 75-р байранд оржээ. Харин 2015 оноос хойш Ойрх Дорнод, Хойд Африк нь хамгийн тогтворгүй бүс нутаг болоод байна гэж WEFROUM мэдээллээ.
Тайван улсын жагсаалтыг 10 жил тэргүүлж буй Исландын нийслэл Рейкьявик хотын гэрэл зурагт мөнхөрсөн дүр зургаас хүргэж байна.
