Ажилдаа юу өмсөх вэ: Футболкны “анд” гарцгаая

Шүүгээнийхээ өлгүүргүй хэсэгт эвхээд тавьчихдаг байсан футболкнууд маань цэвэрхэн гэгч нь, өлгүүр өлгөөстэй байхгүй л бол болдоггүй хэсэгт хүрээд иржээ. Мики маустай байсан ч хамаагүй шүү.

Аль болох цэвэрхэн, илүү дутуу зүйлгүй байдаг оффис хувцаслалтаа гэртээ ч өмсчихдөг зурагтай зураггүй, сул футболкоороо тухтай харагдуулах дүр төрхийг энэ удаад санал болгож байна. Чамд нэг ч гэсэн футболк байж л байгаа. Түүнийгээ маргааш өглөө ажилдаа өмсөөд гараарай.

Хэрхэн хослуулж болох вэ гэвэл:

$\"\"$

1.Цав цагаан

Ямар ч илүү дутуу зүйлгүй цав цагаан футболк цэвэрхэн, чанартай дүр төрхийг эрхэмлэгч бүсгүйчүүдийн хувьд №1 сонголт. Сорочкан цамцны орон зайг л цагаан футболк чинь эзэлчихэж байна гэсэн үг. Гүн ухлаадастай зах, таальгүй сул загвараар чимж, биенийхээ давуу талыг харуулж эсвэл сул талаа нууж болно гэдгийг загварын блогчид сануулсан байна.\\

$\"\"$

2. Ойролцоо, ууссан өнгийн хувцаслалтыг огт өөр өнгийн гоёл чимэглэлээр тодруулж харуулж болно гэдгийг энд харуулахыг хүслээ.

$\"\"$

3. Цагаан лав биш

Хэрвээ чи ингэж бодож байгаа бол бор, саарал, хар, хар хөх гээд футболк майкны үндсэн өнгүүдээс сонголтоо хийж болно. Төрөл бүрийн өмд бошинз дээр өмсөж болох хэдий ч сүүлийн үеийн трендийг дагаж илэг, савхи, тааран болон хуниастай юбка, дүүжин өмдтэй хослуулбал загварлаг харагдана. Бас хормойг нь дотогш нь чихэх хэрэгтэйг санаарай.

Мөн эрэгтэй загварын томдсон хүрэм, унасан материалтай өргөн өмдтэй хослуулвал гайхалтай сонголт байх болно.

$\"\"$

4. Аль болох жирийн биш харагдахыг хичээгээрэй. Үгүй бол чамд өөр өмсөх хувцас байгаагүйгээс футболкоо өмсөөд ирчихсэн мэт харагдана шүү.

$\"\"$

5. Хөгжилтэй юм бэ

Чиний футболк туулайны зурагтай юу? Тэгвэл маш сайн байна. Даруухан өмд, хүрэмтэй хослуулахад л футболкны чинь \”сахилгагүй” зан дарагдаж, тэнцвэртэй болж чадна.

$\"\"$

6. Урин дулаан ирж байна. Гэгээлэг байх нь гоё биш гэж үү?

$\"\"$

7. Чөлөөт хэв маягтай ч чамайг ажилдаа явж байгааг хүн бүхэн гадарлахуйц…

Тийм ээ, танай оффист жийнс, савхи, пүүз, өвөрмөц загвартай хувцаслалтыг хориглодоггүй бол чамд бүр ч илүү боломж байна. Өндөр суудалтай, уранхай жийнс, пиластиктай юбка, банда, пүүз, арьсан цуваа хамтад нь гаргаад ирэхэд огт буруудах зүйлгүй. Гэхдээ л хүмүүс чамайг гэртээ өнжих гэж байгаа биш ажилдаа явж байгааг гадарлахуйц байх хэрэгтэй шүү.

$\"\"$