Сонгогч танаа хамтын хүчээр хариуцлагын хувьсгал хийцгээе

 

 

2007 онд байгуулагдсан Иргэний
Хөдөлгөөний Нам нь Үндсэн хуульт шударга ёсны төлөө тэмцэж ирсэн иргэдийн
хөдөлгөөнөөс үүссэн улс төрийн хүчин билээ.

 

Бид өнгөрсөн жилүүдэд
авлигажсан эрх баригчдын хууль бус үйл ажиллагаа, үндэсний эрх ашигт харш
бодлого, шийдвэрийг шүүмжилж, хариуцлага тооцохыг тууштай шаардаж ирсэн. Өнөөдөр улс орны маань байдал туйлын эгзэгтэй
байна. Хамтын хүчээр ХАРИУЦЛАГЫН
ХУВЬСГАЛ хийх зайлшгүй шаардлагатай
байна.

 

Иргэний Хөдөлгөөний Нам бол
Монгол Улсын бүрэн бүтэн байдал, тусгаар тогтнол, иргэн бүрт хүртээмжтэй
хөгжлийн төлөө тууштай ажиллах, ХАРИУЦЛАГЫН ХУВЬСГАЛ хийж чадах улс төрийн шударга хүчин мөн.

 

ИХ Нам нь улс, ард түмнээ
хамгаалан хөгжүүлэх цэх шулуун засаг төрийг байгуулахын төлөө УИХ, орон нутгийн
сонгуульд оролцож, төрөөс төрсөн тэрбумтнуудыг бус, харин нийтийн тусын төлөө
итгэл даан зүтгэх хүмүүсийг ард түмний элчээр илгээж байна.

 

ИХ Нам 2016 оны УИХ-ын
сонгуульд 28, НИТХ-д 41 ажил амьдралын
туршлагатай ахмадууд, эрч хүчтэй залуу үеийнхэн, салбараа мэддэг сэтгэл зүрхээ
зориулж яваа мэргэжлийнхэн, хар ул мөргүй, шударга цагаан үйлстэй иргэдийн төлөөллөө
дэвшүүлж байна. Манай нэр дэвшигчид ТА бүхний төлөө өндөр хариуцлага хүлээж,
иргэнд тулгамдсан асуудлыг төрд тулгамдсан асуудал болгон шийдвэрлэхийн төлөө
шударгаар ажиллах чин хүсэлтэй.

 

ИХ Намд төрөөс төрсөн тэрбумтан
байхгүй, нэр дэвшигчдээсээ олон зуун сая төгрөгийн татаас аваагүй, төрийн өмч,
нийтийн хөрөнгө, ард түмний баялгаас хулгайлж шамшигдуулаагүй.

 

Тиймээс бид сонгогч олон
түмнээсээ чин сэтгэлийн хандиваа нэмэрлэхийг хичээнгүйлэн хүсч хандаж байна. ТА
бүхний сэтгэл гаргаж, боломжийнхоо
хэрээр өгсөн хандив тань өнгөрсөн 26
жилд төрийг хэрсэн авлигын сүлжээг устгаж, хариуцлагын хувьсгалыг хийх
үйлсэд

амин чухал дэмжлэг болно.

 

Мөн ТАНЫ дэмжлэг \”Монгол Улсад
засгийн бүх эрх ард түмний мэдэлд байна” хэмээх Үндсэн хуулийн зарчмыг амьдралд
хэрэгжүүлж, сонгогч болон сонгуультны, өөрөөр хэлбэл Та болон ИХ Намын хооронд
хариуцлагын эргэх холбоог тогтооно.

 

Сайн санааны үзүүрт тос, сайхан
сэтгэлийн үр нь гэрэл, гэгээтэй, чанартай амьдрал билээ!

Танд
баярлалаа.

 

Төр улсаа
хулгайчаас

Түмэн олноо
хямралаас чөлөөлье!

 

Иргэний Хөдөлгөөний Намын Хандивын данс: Хаан банк 5031900714

 

ИРГЭНИЙ
ХӨДӨЛГӨӨНИЙ НАМ

2016 оны 6
САРЫН 3