Өчигдөр орой дөрвөн настай хүү угаалгын машин дотор гацсан хэрэг нийслэлийн Баянгол дүүргийн 21 дүгээр хороонд гарчээ. Энэ тухай дуудлага өчигдөр орой 20:09 цагт Онцгой байдлын албанд ирсэн байна. Нийслэлийн Аврах ангийн долоон алба хаагч дуудлагын дагуу очиж, хагас автомат угаалгын машины хатаагч дотор ороод гарч чадахгүй байсан хүүг аюулгүй гаргаж өгчээ.
Бага насны хүүхдэд тавих анхаарал халамжаа сайжруулан аюулгүй байдлыг нь хангахыг эцэг, эхчүүд болон асран хамгаалагчдад зөвлөж байна.
Эх сурвалж: Онцгой байдлын ерөнхий газар
