Х.Баделхан “Дэнжийн 1000”-ийн 1008 айлын орон сууцыг сонгуулиас өмнө ашиглалтанд оруулна

Өнөөдөр Засгийн газрын хуралдаанаар Төрийн орон сууцыг өмчлүүлэх тухай журмыг баталлаа.
Барилга, хот байгуулалтын сайд Х.Баделхан
Иргэдийн өгсөн санал хүсэлтийн дагуу тус асуудлыг судалсны үндсэн дээр дараах шийдвэрийг гаргаад байна.
– Байрны төлбөрийн 30 хувийг төлсөн тохиолдолд ипотекийн зээлд хамрагдах боломжтой болно.
– Төлбөрийн чадвартай бол таван жилийн хугацаанд байгууллагатай тохирсны үндсэн дээр сар бүр төлбөр төлвөл тухайн байрыг худалдаж авах боломжтой болно.
– Энэхүү хувьчлалд ТОСК-ийн зээлд хамрагдсан иргэд ч оролцож болно.
– Одоогоор 1,512 айлын түрээсийн орон сууц байна. Эдгээр 1,512 айл түрээсийн орон сууцаа хувьчилж авах боломжтой болж байна.
– Ипотекийн зээлийн эх үүсвэрийн 4 хувийг нэг хувь болгон бууруулах тал дээр ажиллаж байна. Ингэснээр зээлийн эх үүсвэр хоёр дахин нэмэгдэх боломжтой ч Монголбанк үүнийг хэрэгжүүлэхгүй байгааг өнөөдрийн Засгийн Газрын хуралдаанд танилцуулсан.
– Энэ онд Ипотекийн зээлийн эргэн төлөлтийг Монголбанк хариуцаж байгаа бол ирэх жил Засгийн газар өөрөө хариуцаад явна.
– Цаашид түрээсийн орон сууцыг нэмэгдүүлэх тал дээр ажиллаж байна. БНХАУ-ын буцалтгүй тусламжаар Дэнжийн 1000-д 1,008 айлын байр баригдаж байна. Болвол ирэх сонгуулиас өмнө тус байрыг ашиглалтад оруулна.
– Түрээсийн байраа өмчлөх хүсэлтэй иргэд хүсэлтээ ТОСК-т хүргүүлж, гэрээ байгуулна гэсэн үг.