Сагсан бөмбөгийн 3×3 төрлийн насанд хүрэгчдийн дэлхийн аварга шалгаруулах тэмцээн Нидерландын нийслэл Амстердам хотноо амжилттай үргэлжилж байна.
Энэ удаагийн дэлхийн аваргын тэмцээнд Монгол улс эрэгтэй, эмэгтэй хоёр багаа оролцуулж байгаа бөгөөд тэд тэмцээний эхний өдөр хэсгийн эхний хоёр тоглолтоо хийсэн билээ. Хэсгийн эхний тоглолтоо эрчүүд маань хөрш улс болох ОХУ-ын багтай хийж 14:12-ын харьцаатай хожиж тэмцээнийг амжилттай эхлүүлсэн.
Тэд дараагийн тоглолтоо Эстонийн багтай хийж 20:17-ийн харьцаатай хожсоноор хоёр хожилтой болж хэсгээ тэргүүлэгчдийн эгнээнд жагсаж байгаа юм. Харин эмэгтэйчүүд маань эхний тоглолтондоо Ираны багтай таарч 18:19-ийн харьцаатай хожигдсон бол дараагийн тоглолтоо Румыны багтай хийж 22:4-ийн харьцаатай хожигдоод байгаа билээ.
Өчигдөр манай хоёр баг тоглолтгүй өнжсөн бол өнөөдөр тус бүр хоёр тоглолт хийх гэж байна.
Эрэгтэй баг
16:20 Пуэрто-Рико vs МОНГОЛ
19:50 МОНГОЛ vs Украйн
Эмэгтэй баг
17:15 Чех vs МОНГОЛ
18:55 Испани vs МОНГОЛ
