![\"\"](http://undesten.mn/uploads/posts/2016-07/1469496529_p19c2bdneg1pfm16e3mdb1ehvbvd3.jpg "\\"\\"")
2016 оны 07 дугаар сарын 25-ны өдөр Улаанбаатар хотын Замын цагдаагийн газрын ЖШУХ дээр нийт 287 дуудлага, мэдээ мэдээлэл хүлээн авснаас зам тээврийн ослын 207 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 15 бүртгэгдэж, 9 хүн хүнд, хөнгөн гэмтсэн. Зам тээврийн осолд сургуулийн өмнөх насны 3, сургуулийн насны 2 хүүхэд өртсөн. Согтууруулах ундааны зүйлхэрэглэсэн үедээ хөдөлгөөнд оролцсон жолооч 5, явган зорчигч 2. Согтуугаар тээврийн хэрэгсэл жолоодсон 44 жолоочийг журамлан гарч болзошгүй осол хэргээс урьдчилан сэргийлж ажилласан байна.
Тухайлбал:
1. БЗД-ийн нутаг Майхан уулын баруун хойд замд амины BenzG320 маркийн Н жолоочтой автомашин онхолдож, жолооч 42 настай, эрэгтэй Н-н амь нас хохирсон.
2. СХД-ийн нутаг Москва хороолол 131-р байрны урд замд марк, улсын дугаар тодорхойгүй автомашины жолооч нь явган зорчигч 6 настай, эрэгтэй М-г мөргөж гэмтээн ослын газрыг орхин явсан.
Замын цагдаагийн газар
