Ар гүнтийн давааны орчимд өчигдөр /2019.10.19/ 10:00 цагийн үед 33 хүний суудалтай Дотоод хэргийн их сургуулийн ажилчдын зорчиж явсан том оврын автобус осолдож долоон хүн амь насаа алдаад байгаа юм.
Хэргийн талаар Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн Б.Лхагважаргал “Ослын улмаас газар дээрээ зургаан хүн, эмнэлэгт хүргэгдээд нэг хүн нас барж, 20 гаруй хүн Гэмтэл согог судлалын үндэсний төвд хүргэгдсэн.
Дотор нь тус сургуулийн ажилчид зорчиж явсан нь үнэн. Одоогоор хэргийн газар Тээврийн цагдаагийн албаны жижүүрийн шуурхай бүрэлдэхүүн ажиллаж байна.
Урьдчилсан байдлаар тухайн автобусны жолоочийг ямар нэг согтууруулах ундаа хэрэглээгүй гэж дүгнэж байгаа бөгөөд жолооч “автобус огт тоормосгүй болсон учраас осол гарсан” гэх мэдүүлгийг өгсөн.
Үүнийг Тээврийн цагдаагийн албанаас шалгаж байна. Тухайн тээврийн хэрэгслийг оношилгоо, үзлэгт оруулан шалгаж байж жолоочийн мэдүүлэг үнэн эсэх нь тогтоогдоно” гэв.
Уг ослын улмаас Хангалтын албаны технологич, хүнсний хангалт хариуцсан офицер, хошууч Ц.Гансүх, Барилга-засварын албаны сантехникч, дэслэгч С.Ууганбаатар, Авто техникийн албаны багш, ахлах ахлагч Б.Тэмүүжин, Барилга-засварын албаны ажилтан Б.Бямбасүрэн, Г.Алтансүх, С.Зоригоо, Хангалтын албаны ажилтан Д.Цэрэнжаргал нар нас барсан болохыг мэдэгдлээ.
Жолооч “автобус огт тоормосгүй болсны улмаас осол гарсан” хэмээн мэдүүлжээ
}
Шинэ мэдээ
