Харилцагчаа дорд үзсэн \”хаан\” банкнаас татгазлья л даа , алба биш

 

\”Мобикомоос татгалзья” гээд л
уриалга яваад байдаг даа. Яахав үнэхээр мобикомын хураамж үйлчилгээгээ давахгүй
байгаа учраас л хэрэглэгчид нь ийнхүү бухимдаж байгаа хэрэг. Харин надад бол
Мобиком гэхээсээ илүүтэйгээр \”Хаан” банкнаас татгалзвал яасан юм бэ гэсэн
горимын санал байна.

 

 

Зээлийн хүү их, хадгаламжийн
хүү бага, албан хаагчид нь харилцааны соёлгүй гээд нийтлэг асуудлыг энэ удаад
орхьё. Харин үйлчлүүлэгчээ татаж, өрсөлдөөнийг бий болгох ёстой тус банк
харилцагчаасаа авсан мөнгөөр техникээ сайжруулж байна гэсэн тайлбар хийгээд хэнэг
ч үгүй байж байх юм.

Монголчууд АТМ гэгч зүйлтэй
танилцаад нэг их удаагүй ч хэрэглээ нь болчихоод байгаа. Банканд оочирлож
байхаар дансандаа хэдэн төгрөгөө хийчихээд өнөөх аль дуртай АТМ-аас очоод авчих
нь хялбар шүү дээ. Гэтэл энэ хэрэглээ нэмэгдэж, эрэлт бий болоод эхэлмэгц
банкууд АТМ-аар дамжуулан харилцагчдаасаа шимтгэл авч эхэлсэн. Би өөрийнхөө
мөнгийг ямар ч цаас гарздахгүй, хэн нэгнийг хүндрүүлэхгүйгээр авч байхад л
шимтгэл гэгч зүйл авч байгаа нь шударга бус юм аа гэж хэсэг л бухимдацгаасан байх.
Гэвч бухимдал, бухимдлаараа л үлдэж, харин арилжааны банкууд амташсан хэрээ шиг
АТМ-ын шимтгэлийн төлбөрийг нэмсээр байлаа.

Уг нь Монгол банкнаас нэг
аятайхан шийдвэр гарч АТМ-аас авах шимтгэлийг буулгачихав уу гэсэн худлаа болж
таарсан. Харин ч бүр эсрэгээрээ арилжааны банкуудын дур зоргоороо аашилж байгаа
энэ явдалд Монгол банк хөндлөнгөөс нөлөөлөх ямар ч боломжгүй гэсэн мэдэгдэл
хийсэн билээ. Магадгүй энэ тайлбар л эдгээр арилжааны банкуудад АТМ-аас мөнгө
тоншоод байж болно гэсэн ойлголтыг өгсөн байх.

Тиймээс Монголын хамгийн их
харилцагчтай гэх Хаан банк АТМ-ын шимтгэлээ 200 төгрөг болгож нэмэгдүүлсэн
байна. Илүү дэлгэрэнгүй тайлбарлавал, 100 мянга хүртэлх төгрөг авсан бол 150,
түүнээс дээш бол 200 төгрөгийн шимтгэл авч байхаар болж л дээ. Харин эндээс
олсон орлогоор банкныхаа системийг шинэчлэхэд зарцуулах гэж буй талаар
тайлбарлалаа. Юу гэсэн ч үг юм. Системээ шинэчилж чадахгүй бол банк гэж байгаад
юугаа хийх юм бэ. Ломбард болчихоод л орж ирсэн хүүний орлогоор өөрсдийгөө
тансаглуулж суухгүй юу. Гэтэл нэр хүндтэй, олон харилцагчидтай банк атлаа
АТМ-аас авсан шимтгэлд ханахгүй дахин нэмж, иргэд, харилцагчдынхаа халаасыг
тэмтэрч байдаг.

Ер нь алба биш. Олон банк үйл ажиллагаа явуулж байна. Аль
чадамжтай таны халаасыг бага тэмтэрдэг банкаар нь үйлчлүүлж болно шд. Ардчилал
бидэнд авч ирсэн ганц сайхан зүйл бид хэнээс ч асуухгүйгээр сонголтоо хийх
эрхтэй.

 

Нэг банканд шулуулж байна гээд бухимдаад явах шаардлага алга. Эртхэн
шиг мөнгөө татаад өөр банкаар үйлчлүүлж болно. Бусад банкууд ч ялгаагүй гэж та
бухимдаж магадгүй. Тэгвэл манай зах зээлийг гадны дөрвөн ч банк сонирхоод
эхэлсэн. Ямар нэг шийдэлд хүрнэ гэж Монгол Улсын Ерөнхий сайд дөнгөж сая
мэдээлж байсан. Тэгэхээр харилцагчдаа дорд үзсэн, хаан мэт аашилсан эдгээр
банкуудын дур зоргоороо аашлах хугацаа тун богино болсон гэдгийг санах
хэрэгтэй. Банк бол өрсөлдөөний байгууллага. Тэд үйлчлүүлэгч, харилцагчдынхаа
хэтэвч дээр л үйл ажиллагаа явуулдаг
байх учиртай. Гэтэл манайд үйл ажиллагаа явуулж буй банкууд төрийн мөнгийг
эргэлдүүлээд л түмэн олноо үл ойшоодог тал бий. Гэвч удахгүй…

Амар