Өчигдөр Польшийн Катовеци хотноо хуралдсан Дэлхийн допингийн эсрэг агентлагийн Гүйцэтгэх зөвлөлөөс ОХУ-ын допингийн эсрэг агентлагийн явуулсан үйл ажиллагаа Дэлхийн допингийн эсрэг агентлагийн дүрмийг зөрчсөн хэмээн үзлээ.
Ингэснээр олон улсын анхаарлын төвд байсан ОХУ-тай холбоотой асуудлыг баталснаар тус улс ирэх дөрвөн жилийн хугацаанд бүхий л төрлийн олон улсын тэмцээнд оролцох, түүнийг зохион байгуулах өргөдөл өгөх эрхгүй болж байгаа төдийгүй олимп, дэлхийн тэмцээнүүдэд улсынхаа далбаан дор оролцох эрхгүй бол байгаа юм.
Мөн үүнээс гадна Гүйцэтгэх зөвлөлөөс ОХУ-ын төрийн албан хаагч, Оросын Олимпын болон Паралимпийн хороодын удирдлагууд аливаа олон улсын арга хэмжээг очиж үзэхийг нь ч дөрвөн жилийн хугацаатайгаар хориглосон шийдвэрийг гаргажээ.
Энэхүү шийдвэрийг энэ оны есдүгээр сард Дэлхийн допингийн эсрэг агентлагийн Гүйцэтгэх зөвлөл Москвагийн лабораторийн мэдээллийн санд өөрчлөлт орсныг илрүүлсэн хэрэгтэй холбогдуулан гаргаж байгаа юм. Тус лабораторид 2012-2015 онд Оросын тамирчдад хийсэн шинжилгээний талаарх мэдээллүүд хадгалагдаж байдаг ба энэ асуудалтай холбоотойгоор Дэлхийн допингийн эсрэг агентлагийн Хяналтын зөвлөлөөс Гүйцэтгэх зөвлөлд Оросын спортын эсрэг хэд хэдэн хориг арга хэмжээ авах зөвлөмж хүргүүлсэн билээ.
Дэлхийн допингийн эсрэг агентлагийн Гүйцэтгэх зөвлөлийн шийдвэрийг хүлээн авахаас татгалзсан тохиолдолд ОХУ-ын зүгээс 21 хоногийн дотор Спортын арбитрын шүүхэд давж заалдах эрхтэй байгаа юм.
Ирэх дөрвөн жилийн хугацаанд ОХУ-ын тамирчныг бид олж харахгүй
}
Шинэ мэдээ
