Энэ оны дөрөвдүгээр сарын 10-19-ний өдрүүдэд зохион байгуулагдах “Coachella Valley Music and Arts” урлагийн наадамд “The Hu” хамтлагийг оролцохыг урьжээ.
Өнгөрөгч 2019 онд зохион байгуулагдсан тус наадамд Ариана Гранде, Таме Импала, Рианна зэрэг алдартнууд оролцож байсан бол энэ жил Калвин Харрис, Биг Банг, Лана Дел Рэй, Травис Скотт зэрэг олон алдартнууд нэг дор чуулж дуу хөгжмийн гайхамшигийг мэдрүүлэх аж.
1999 оноос АНУ-ын Калифорни мужийн Индио хотноо зохион байгуулагдаж эхэлсэн энэхүү наадмыг үзэх гэж дэлхийн өнцөг булан бүрээс хүмүүс цугладаг ба жил бүр 40 гаруй сая хүн цахимаар дамжуулж шууд хүлээн авдаг байна.
“Coachella” наадмын тасалбарын үнэ ойролцоогоор 400 орчим ам.доллар байдаг бол VIP тасалбарын хувьд 900 орчим ам.доллараар борлуулагддаг юм. Энэ жилийн наадмын эхний хэсгийн тасалбар дууссан бол хоёр дахь долоо хоногийн урьдчилсан тасалбар ирэх даваа гарагт худалдаанд гарна.
