Яруу найрагч Х.Тэргэл сэтгүүлч Л.Мөнхбаясгалан шинэ дүр төрхийнх нь талаар ингэж хэлэв

Яруу найрагч Х.Тэргэл сэтгүүлч Л.Мөнхбаясгаланд өөрийнх нь шинэ дүр төрхийн талаар сэтгэгдлээ илэрхийлжээ. Тэрбээр \”Гоо шинэ дүр төрхөнд чинь нүд баяснам.Энэ орчлон дээр би хувьдаа эмэгтэйчүүдийг хоёр хувааж үздэг. 

Нэг нь эм хүн.Хоёр дахь нь бол жинхэнэ бүсгүй хүн.Эм хүн гэгчид /ялангуяа одоо цагт хамааралтай , өмнөх зуунд бус, амьдарч үзээгүй мэдэхгүй юмаа шүүх дургүй / эм хүйстэй ч өөрийгөө үл арчлах, хэзээд л бүүр 20, 30 жил нэг төрлийн үс гэзэг, засалттай ( мэдээж өөртөө учиргүй зохидог гэж боддог, харагддагийг нь хэлээгүй болно, хаа хамаагүй зүйлийг өөртөө наагаад чичрээд дайрагсад буюу ёоёотой ,хурцын тасгийн ,өөртөө итгэлгүй FB \”одонцорууд \” бас олон төвөгтэй гэж) өөрийгөө тордохыг ч өөрчлөхийг ч үл мэддэг за тэгээд байгаагаараа л байж л байдаг тийм нэгэн уйтгартай дүр төрхтэй, үжирч гандаж, гундсан даавуурхуу эмэгтэйчүүд, шулуухан хэлчихэд боломж нь байдагч залхуу хүүхнүүд . Ээмэг зүүлт, гархи гоёл, үнэртэй ус, эрээн даашинз, элдвийн гоёлоос ангид хэзээд л нэг тийм өөрөө ч өөрөөсөө уйддаггүй юм байхдаа гэмээр байдаг л нэгэн дүр төрхтэй эмэгтэйчүүд багтдаг.Хувьсаж өөрчлөгдөх, бүүр сайн сайхнаар хувьсах гэдэг бол гайхалтай эд шүү дээ.Бусдаас нэг л их учиргүй өөр амьтан байх улайран оролдож ээмэг зүүлт, будаг сэлтэд харшилтайгаа зарлан тунхаглагсад ч цөөнгүй .Бидний дийлэнх нь зүгээр л өөрийнхөө дүрсэнд дасал болчихсон байдаг.Яг үнэндээ хүн будаг ч үгүй, нүцгэн шалдан нэгнийг бус, будаж шунхдаж, гоёж гоодсон нэгэнд илүүтэй харц унагах.Гэхдээ мэдээж хэтрүүлэн нялагсад үүнд эс багтана.За бүүр наад захын жишээ дурьдахад будаггүй, хана, бүтээлэггүй ор, ямар ч өнгөгүй аяга таваг хараад хичнээн хүний таашаал төрөхийг бодохуйяа бас л инээдтэй биш гэж үү.Ямартаа л \”хувцас бурхан, бие чөтгөр\” гэх үг гарахав дээ. 

Эр, эм хүнийг бүтээхдээ бурхан багшийн тус тусад нь хайрласан хэлбэр, галбир, хийц загвар, уг нь байх. 

Эр хүний өмсдөг, эдэлдэг бүхнийг өмсөж хэрэглэчихээд хатан ухаан яриад явж байх нь ч бий. 

Бүсгүй хүн гэдэг чинь байгалиасаа гоё юм хэрэглэх гэж, гоо сайхнаа гайхуулах гэж, төрсөн улс шүү дээ. 

Тэд бол цэцэг, амтат, исгэлэн, нялуун янз бүрийн амттай жимс юм. 

Би бол хувьдаа нүд,чих, сэтгэл баясахыг бас л том дээд жаргалд тооцох . 

Үеийн үед эмэгтэй хүний гоо үзэсгэлэнд тачаадан шунаж эрчүүд хоорондоо байлддаг байсан түүхтэй. 

Бас үнэртэн танартан, орчлонгийн сэргээш юм бүсгүй хүн гэдэг. 

Эх хүн үрээ төрмөгц энэ орчлонгийн ариун булаг болсон сүүн аршаанаар үр хүүхдээ умдаалдаг. 

Тиймээс эмэгтэй хүн бол бүхнийг уяраагч, жаргаагч эх. 

Бүхнийг умдаалан, жаргаагч эх нар гоё сайхан, гаднаа ч дотроо ч гоо байх бүүр л гайхалтай.Хатуухан хэлчихэд гангалж мэддэггүй, гангалах гэдгийг аягүй их хүндрүүлж ойлгодог, жилдээ ганц нэгхэн удаа шинэ жилийн баярт очихдоо гэнэтхэн ухаан орж гоёмор болдог эмэгтэйчүүд. Тод өнгөтэй,гял, цал бүхнээс ангид байхад дурлагсад.Гаднах нь ч доторх нь ахиж, дэвшиж, байдаггүй тийм нэгэн хүмүүс бол за даа мэдэхгүй ээ, хэцүүхэн л санагдана. Ялангуяа энэ маш их боломжтой цаг үед бол.Байгаагаараа байх гэдэгт бол хүний дотоод мөн чанар л орохоос гаднах хэлбэр галбир төрх үл хамаарах асуудал. Хүний мөн чанар ч улам их зөв нааштайгаар өөрчлөгдөн хувьсаж, сайн сайхнаар дүүрч байвал юутай сайхан.Мунхаг бивээр ээмэг, зүүлт ,бугуйвч, элдэв чамин будаг, бийр багс, үнэртэнд үл дурлах хүнийг \”ээмэгтэй \” хүн гэж боддоггүй.Яах гэж эмэгтэй хүнийг үе үеийн яруу найрагч нар цэцэг, жимстэй зүйрлэдэг байхав? Нүд унам, хамар цоргиом тийм нэгэн өөрийн эрхгүй нүдэнд тусах, унагам, арааны шүлс аандаа асгарах чанар ,өгөгдөл цэцэг жимсэнд байхын учир, бүсгүй хүнийг тэд ийнхүү адилтган зүйрлэх.Жинхэнэ бүсгүй хүнд бол хөөрхөн ,царайлаг тэр байтугай гуалиг, төрөөгүй ч өөрийгөө арчилж,додомдож, донж маяг бүрдүүлэх оролдлого, өөрчлөлт хийж чадвал сэтгэл хангалуун баяр жаргалтай ,бардам алхахад тийм ч хэцүү бишээ.Гангалж,гоё сайхан харагдахад заавал үнэтэй, мөнгөтэй хүний хийх ёстой ч ажил биш шүү дээ. Эмэгтэй хүнийг өөрчилж, өнгөжүүлж чаддаг зүйлс одоо цагт бол бүүр олон болсон нь гайхалтай.Өөрийгөө өөрчилж чадсан хүнд өрөөл бусад асуудал бол өчүүхээн жижигхэн үртэс л гэсэн үг шүү дээ. Тэр бол спорт, хөдөлгөөн, үсний засалт, уруулын будаг, бийр ,багс, ээмэг ,зүүлт, за тэгээд үнэртэй ус, хумсны будаг, гэх мэтийн тусламжтайгаар донж маягаа жаахан өөрчилчихсөн байхад л хэдхээн жижиг эдлэлүүд биднийг бусдаас өөр ямар гоё баяртай жавхаатай, цогтой золбоотой харагдуулдаг гээч.Гол нь зориг, хөдөлмөрч, уйгагүй, шинийг эрэлхийлэгч чадвар, хүсэл хүнийг өөрчилдөг.Сэтгүүлч Мөнхбаясгалан бол үнэхээр өнөө цагийн Монголын сэтгүүл зүйн салбарт тод асах бамбар мөнөөсөө мөн.Би лав түүнийг ийм гайхалтай төрх бүтээж чадна гэж төсөөлж ч, зүүдэлж ч яваагүй. Үнэхээр их баярлаж, өөрийн эрхгүй ийнхүү бичмээр,магтмаар санагдав. 

Харин одоо түүний өмнөх төрхнөөсөө илүүтэй энэ шинэ дүр төрх, өгөгдөл тань үнэхээр миний болоод олон хүний нүд ,сэтгэл баясгаж байна баярлалаа бүсгүй минь. 

Энэ шинэ дүр төрх яг гал шиг, од шиг, нар шиг, түүнийг жинхэнэ гоо гоёыг нээж харагдуулжээ. Яг шинэ тэсрэлт шиг үнэхээр,гайхуулан,шагшуулан цочоов. 

Олон бүсгүйчүүдэд өөрийгөө өөрчлөх, гоёх, өөрөөрөө бахархах үлгэр жишээ болно гэдэгт итгэлтэй байна. 

Хэдийчинээ хангалттай өгөгдөл өндөртэй, түүнээ өөд татдаг хүн байна, төдий чинээ бусдаас тохой өндөр явдаг даа. 

Мөнхбаясгалан сэтгүүлчийг бидэнд шинээр нээж харуулсан хамт олны ур чадварт мэхийе. 

Бүсгүйчүүд минь өөрт заяасан өгөгдлөө улам тод асаагтун. Тод гэрэлд тань бид нүдээ гялбуулах сайхан байнам. 

Уруулаан буд бүсгүй минь 

Унж дорой бүү яв 

Нас бол цаасан дээр л бичигддэг тоо юм 

Намбархаж бүү сүйд бол 

Хүссэнээрээ амьдар бүсгүй минь…. 

Тиймээ чиний сэтгүүлчийн улам өсөж буй ур чадвар дээр , энэ чамайг шинээр нээсэн гоо төрх гайхалтай хосолжээ. 

Би чадвартай, чадалтай ,авьяастай, үзэсгэлэнтэй, сэтгэлтэй ,зүтгэлтэй, хүн чанартай ,эр эм, хөгшин залуу хэн бүхэнд хайртай . 

Бас тийм гоо, тийм гэгээн, өөрийгөө өөрчлөх гэж оролддог, чармайдаг бүхэнд мэхийн сөгддөг, бас өөрийн эрхгүй магтмаар санагддаг . 

Хичнээн царайлаг сайхан төрсөн байлаа гээд өөрийгөө өөд татаж чадахгүй бол лаа шиг урсаад л хайлчихдаг шүү дээ эмэгтэйчүүд бид чинь. 

Ганц л амьдрах орчлонд өөрийн гадна, доторх бүх гэрлийг боломжоороо улам тод асааж амьдарцгаая. 

Тэр гоё тод гэрэлд үнэн сэтгэлээсээ баясах , эргэн эргэн харах хүмүүс бодсоноос чинь хавьгүй олон гээч. 

Доторх хийгээд гаднах гэрлээ улам тод асаасан сэтгүүлч Мөнхбаясгаландаа баярлалаа. 

Ийм л бүсгүйчүүд олон байх болтугай. 

Цаашид улам гоо,гоё, ухаантай, бардам дайчин, үзэг нь хурц ийм бахдам сайхан сэтгүүлч Мөнхбаясгалангаа мянга мянган үзэгч сонсогчид нь харж, нүд ,чихээ баясгаж явах нь. 

Үзэг нь улам хурц, үг нь тод мэргэн байхын ерөөл өргөмүй. 

Гоё сайхан яв бүсгүй минь 

Гологдож биш ,шилэгдэж амьдар 

Орчлон хорвоо ийм сайхан болохоор 

Одноос ч тод гэрэлтэж яв бүсгүй чи… 

Яруу найрагч Хулганайн Тэргэл