1. Байгалийн түүхийн музейн уулзвар:
Уулзвараар хойноос урагш чиглэлд зүүн гар тийш эргэх 25 секундэд ердөө л 4-8 орчим автомашин нэвтэрдэг. Энэ нь цагт 177 автомашин болж байгаа ба уулзварын бусад талуудын зорчилттой харьцуулахад хамгийн бага байсныг өөрчилж зүүн эргэлтийг чигээр нь болгосон. Ингэснээр урдаас хойш чиглэлд цагт 431 авто машин нэвтэрдэг байсан бол 55.6%-иар нэмэгдэж 775 болсон.
Өөрөөр хэлбэл энэхүү 4-8 автомашиныг эргүүлэхийн тулд бусад талуудын тээврийн хэрэгслүүдэд хүлээлт үүсэж байна гэсэн үг юм. Дээрх өөрчлөлтийг хийснээр ертөнцийн зүгээр хойноос урагш чиглэлд 401 автомашин нэвтэрдэг байсан бол 578 болж 42%-иар нэмэгдлээ.
2. Гэндэнгийн\Шангрилагийн зүүн хойд уулзвар\ Олимпийн гудамж хойноос урагш ГХЯ талаас цагт 183 тээврийн хэрэгсэл /нийт тээврийн хэрэгслийн 16.5%/ энэ уулзвараар зүүн гар тийш эргэж байна.
Өөрөөр хэлбэл хойноос урагш чиглэлд гэрлийн нэг удаагийн зөвшөөрөгдсөн гэрлээр зүүн эргэх гэж буй 9 тээврийн хэрэгслийг хүлээж урдаас хойш чиглэлд зорчих 37 зогсож байна гэсэн үг юм. Дээрх өөрчлөлтийг хийснээр 850 автомашин нэвтэрдэг байсныг 1278 болгож 50% -иар нэмэгдсэн. Олимпийн гүүрний хөдөлгөөн мэдэгдэхүйц багасаж байгаа байдал харагдаж байна.
3. МУБИС талаас ГХЯ ны уулзвараар зүүн гар тийш эргэх 25 секундэд ердөө л 8-11 автомашин нэвтэрдэг. Энэ нь цагт 189 автомашин болж байгаа ба уулзварын бусад талуудын зорчилттой харьцуулахад хамгийн бага үзүүлэлт юм. Харин энэ хугацааг бусад хамгийн их ачаалал өгдөг талуудад хуваарилж өгснөөр уулзвараар нэвтрэн өнгөрөх автомашины тоо 17-24% иар нэмэгдэж байгаа юм.
Өөрөөр хэлбэл энэхүү 8-11 автомашиныг эргүүлэхийн тулд бусад талуудын тээврийн хэрэгслүүдэд хүлээлт үүсэж байна гэсэн үг юм. Дээрх өөрчлөлтийг хийснээр ертөнцийн зүгээр урдаас хойш чиглэлд 1086 автомашин нэвтэрдэг байсан бол 1357 болж 24% иар нэмэгдэж Олимпийн гудамжны хөдөлгөөн мэдэгдэхүйц багасаж байгаа байдал харагдаж байна.
Харин зүүнээс баруун чиглэлд 1914 нэвтэрдэг байсан бол 2233 болж 17% иар, баруунаасаа зүүн чиглэлд 1768 нэвтэрдэг байсан бол 2050 болж нэмэгдсэн байна.
Гэвч зүүн гар тийш эргэх хөдөлгөөнийг хийдэг байсан тээврийн хэрэгслүүд хаагуур эргэх вэ гэдэг дээр бас нэгэн өөрчлөлт хийгдсэн. Чигээрээ 200м яваад 5.16 “Буцаж эргэх газар” тэмдгийг баримтлан зорчих хэсэг дээр байрлуулсан тумбний дагуу эргэдэг болгов.
Жолооч та бүхэн ЗХД нд заагдсан тэмдгийг заалтыг мөрдөж замын хөдөлгөөндөө соёлтой оролцоно уу
