2016.09.15
Сургуулиа төгслөө.. Яагаад 9 сард төгсөж байгаан гэж үү? Зүгээр л шалтгаантай болоод..
2010.07.12 нд гадагшаа дотогшоо хөл тавьж үзээгүй ёстой л нэг юм үзээгүй 19настай хүүхэд Их Наран улсад хөл тавьж байжээ.
Энэ өдрөөс хойш уйлж дуулж шүдээ зуун баярлаж гомдож ёстой л нэг есөн шидээр нь АМЬДРАЛ тай танилцсан даа..
Монгол дахь дараа жилийнхээ их сургуулийн төлбөрийг олно гэсэн том бөгөөд анхныхаа зорилгыг өөртөө тавин Японд 3сарын аялалын визээр ах эгчээсээ мөнгө зээлэн ирж байлаа. (1500$)
Хэл усгүй юугаа ч мэдэхгүй хүүхдэд ажил олдоно гэдэг маш хэцүү байсан ч ах маань ажилд зуучлан өгч ажлын 5 өдрийг завгүй өнгөрөөх болсон юм. Ингээд 3сарын хугацаанд ажил хийж олсон мөнгөөрөө өрөө дараад сургуулийнхаа мөнгийг илүү ч үгүй дутуу ч үгүй олж чадсан юм. Өөрийнхөө сургалтын төлбөрийг өөрөө олчихсон нэг л том баатар мэт өөрийгөө бодож суулаа. Буцах боллоо… Тэгтэл ах маань энд сургуульд материалаа бүрдүүлээд өгөөд үзээд алдаач гэсэн саналыг сонсоод нүд минь сэргээд л явчихаж билээ. Гэвч нэг гэм нь ажиллаж олсон мөнгөнийхөө 50% иар бүртгүүлхээр болсон юм. Айдастай байсан ч тэнцэж чадсан шүү хэхэ..
Үүнээс хойш л жинхэнэ амьдрал эхэлсэн дээ…
Монголоос зээлж ирсэн мөнгө болон түүн дээрээ ахаасаа сургалтын төлбөрөө зээлэн нийт 6000$+1500$ Сайн хэмнээд байрны зардал хоол унд гээд сард 250$ болдог байлаа..
1жил болоод ахиад л үүнтэй зэрэгцэхүйц мөнгө хэрэг болох болхоор хичээхээс өөр эргэлт буцалтгүй явсан юм. Хэл муу болхоор ажил олдохгүй их ч хүн царайчилсан даа. Ажил олдохгүй болохоор олдож байгааг нь хийнэ цалин бага ч урт цагтай учир гайгүй олдог байлаа.
Хичээл маань 9:00~12:30
Хайрцаг зөөдөг ажил маань 13:30~19:00
Бэнто шөнийн ажил маань 22:00~ 07:00
Өглөө хичээлдээ яваад өдөр ажилдаа яваад тэрийгээ тараад шөнө нь үргэлжлүүлж ажилладаг байлаа. 6сар ажилаад бие минь ч дийлхээ байлаа нүүрэн дээр юм гарч нүүр минь харлаж ходоод өвддөг болов(хэхэ).. Эргээд бодоход бие минь арзайдаг шүү..
Ингэж нэг хэлнийхээ бэлтгэлийг 93%.н ирцтэйгээр төгстөл Дээд боловсрол эзэмших хэрэгтэй болж их сургуульд шалгалт өгөн орлоо. Ахиад л төлбөрийн асуудал энэ удаад бол хэл ч гайгүй болсон болхоор хийдэг ажилууд маань арай дээшлэв. Төлбөр нь 10.000$ Их сургуулийн давуу талууд нь хичээлийнхээ цаг өдрийг өөрөө тааруулж болхоос гадна зун болон өвлийн амралт нь урт байв.
1. Хайрцаг зөөдөг ажил
2. Barbeque хийх зориулалтын газар стафф
3. Ito yokado supermarket
Гэх үндсэн 3 ажилаа хичээлтэйгээ хослуулан 4жилийн хугацаанд хийн сарын орлого маань 1800$-2000$ байсан ч орлого зарлага сургалтын төлбөртөө өгсөөр дүнгэн данган л хүргэдэг байв. Энэ ажлуудаасаа гадна мөн ч олон төрлийн ажлыг хийсэн дээ. (байшин нураах, метроны зам, зочид буудлын өрөө цэвэрлэх, жимс ялгах гээд л явж өгнө дөө…. Цуг ажиллаж байсан хүүхдүүд маань ч мэдэх л байх хэхэ…
Хажуугаар нь мөн байрны зээлэнд хамрагдчихна аа(хэхэ) байрны мөнгөний урьдчилгаа болох 30%(16.000$)
Яаж ч болгосын бүү мэд. Зээлээд л өгөөд л явсаар байгаад л энэ хүрсэн байх.
Жилдээ нэг удаа бас Монгол явчихаад ирнэ ээ
(Дээр дурдагдсан мөнгөнүүдийг одоогийн ханшаар бодов.)
Энэ зүйлүүдийг уншаад боломжгүй үлгэр ярьж байна ч гэж бодож магад гэхдээ боломжгүй зүйл гэж байдаггүй харин чаддагүй хүн гэж байдаг! Олон олон залуучууд мөн миний адил сурч боловсорч байгаа мөн сурхаар ирээд байгаа. Зорилготой тэрэндээ хүрч чаддаг байгаарай.
Япон гэдэг оронд сурна ч гэж бодож төсөөлж ч байгаагүй ч Надад маш их зүйлийг сургаж хүмүүжүүлсэн улс юм. Энэ улсаас би ихийг сурч авсан цаашдаа ч суралцах болно. Монголоо би Япон жишгээр хөгжилтэй сайхан улс болгоно гэж үргэлж боддог. Надад маш их хүчийг өгдөг байсан зүйлс маань гэр бүл хамаатан садан эх орон найз нөхөд минь л байсан байх. Та нар минь байгаагүй бол би ингээд сууж байхгүй байх байсан байхаа.
АМЬДРАЛ гэгч энэ их далайд хөл тавих эхлэлийг минь тавьсан та нарийнхаа ачийг үргэлж мартахгүй ээ. БАЯРЛАЛАА….
Миний хамгийн дуртай шүлгийн маань хэсэг!
Аз жаргалыг би, хvний сэтгэлийн галаар төсөөлдөг болохоор
Алтан нар гэрлээ бидэнд ав адилхан хайрладаг болохоор
Амьд явахыг би бусдад хайраа тvгээхийн нэр гэж бодном.
Аз жаргалыг би бусдаас хайр хvлээхийн нэр гэж ойлгоном.
О.Дашбалбар
9сарын15ны өдөр буюу өнөөдөр маш том эрдэнэ өөрийн бахархал болсон Аавыгаа алдсан юм. Яагаад ч юм ямар ч учиртай юм бүү мэд таниас минь хойш яг 1 жил өнгөрчээ… Үргэлж дэргэд байх юм шиг санасан таниараа үргэлж хүү нь бахархаж явна аа!
Магадгүй та минь дээрээс үргэлж 2 хүүгээ харан хамгаалж байгаа байхаа..
<<<Би чадна! >>>
Munkhbat Manduul 明海大学 Meikai University.
