АНУ-ын Калифорниа, Орегон, Вашингтон зэрэг баруун эргийн мужуудын өргөн уудам нутгийг хамраад буй байгалийн онц аюултай үзэгдэл болох ой хээрийн түймэр нь хүчтэй салхи, халуун уур амьсгалын нөлөөгөөр хурдацтай тархаж олон мянган байшин, бизнесийг шатааж, хагас сая гаруй иргэдийг нүүлгэн шилжүүлээд байна.
Түймрээс болж одоогоор олон арван хүн амиа алдаснаас гадна олон тооны амьтад хоргодоод байна, мөн олон мянган иргэд байшин, орон гэргүй болоод байгаа юм.
Зөвхөн Орегон мужид л гэхэд 121,000 га (300,000 акр) гаруй газар түймэрт шатаж байгаа бөгөөд 35 том түймэр асаж байгаа ба дор хаяж таван хот ихээхэн сүйрч олон нийтийг нүүлгэн шилжүүлсээр байна.
Урьд өмнө хэзээ ч ийм хэмжээнд асаж байгаагүй түймэр нь хэт халалт, хуурай агаар, хүчтэй салхины улмаас хурдацтай тархаж байгаа ба зэргэлдээх бүх мужуудаас түймрийг унтраах гэж гал сөнөөгчид дайчлагдан өдөр шөнөгүй тэмцсээр байгаа юм.
Энэ бүх түймрийн утаа нь тэнгэрт хуралдан нарыг халхалснаар өдрийн цагт харанхуй болж нар хиртсэн мэт улбар шар өнгөтэй Марс гариг шиг болсон нь иргэдийг айдаст автуулаад байсан юм.
Мөн цаг агаар сэрүүсч хэдэн өдрийн турш үнс нурмаар “цас” хаялаж байгаа нь яг л галт уулын хүчтэй дэлбэрэлтийн дараах үйл явдлыг санагдуулам. Ямарч мундаг ард түмэн, аливаа хүчирхэг улс орон байгаль эхийн өмнө “юу” ч биш гэдгийг энэ үйл явдал харуулж байна.
Мөнгө бол хоол биш, үржил шимт газар шорооноос үнэтэй юм хаана ч байхгүй.