Агаарын болон, автотээврийн төмөр замын хилийн боомтуудын нэвтрэх хөдөлгөөнийг хязгаарлах хугацааг 2020 оны 10 дугаар сарын 31 хүртэл үргэлжүүлэхээр Засгийн газраас шийдвэрлэсэн.
Тэгвэл ирэх сараас хилийн хориг цуцлагдах талаар иргэд ярих болсон энэ талаар Монгол Улсын Шадар сайд Я.Содбаатараас тодруулахад “Миний хувьд цаашид хил дээр тавьж байгаа хөл хориог үргэлжлүүлэх саналтай байгаа. Энэ асуудлыг Засгийн газар эцэслэн шийднэ.
-АНУ-аас ирж байгаа нислэгүүд хоосон суудалтай ирж байгаа асуудал байгаа. Цаашлаад нислэгийн тийзийн үнийг бууруулах талаар ямар нэгэн шийдвэр гарсан уу?
-Өнөөдрийн байдлаар 81 улсаас 23 мянга гаруй иргэдийг авчраад байна. Энэ сард 11 удаагийн тусгай үүргийн нислэг үйлдэнэ. Одоогийн байдлаар таван шаардлагад нийцсэн иргэдээ татан авч дуусаад байгаа. Гэхдээ гадаадаас ирэх иргэдийн хүсэлт тасрахгүй байгаа. БНСУ-д 21 мянган монголчууд түр визтэй амьдарч байна. Тиймээс энэ сард Сөүл-Улаанбаатарын чиглэлд долоон удаагийн тусгай үүргийн нислэг үйлдэж, иргэдээ татан авах ажиллагаа хийнэ. АНУ-аас ирж байгаа сүүлийн хоёр нислэг суудал дүүрээгүй ирсэн. Мэдээж санхүүгийн боломжгүй иргэд ирж чадахгүй байгаа бол дипломат төлөөлөгчийн газартаа хандаж дэмжлэг авах боломжтой.
ШӨХТГ-аас МИАТ компанид хяналт шалгалт хийсний үр дүнд Сөүлийн чиглэлийн тийзийн үнэ тодорхой хэмжээгээр буурсан. Бусад нислэгүүдийн үнийн дүнд олон улсын нислэгийн дүнтэй харьцуулж аль болох буулгах талаас нь судалж байгаа. АНУ-аас шууд ирж байгаа нислэгийн хувьд бусад орноос дамжин ирж байгаа нислэгээс хямд үнэтэй байгаа.
