Монгол Улсын Ерөнхий сайд У.Хүрэлсүх шинэ жилийн мэндчилгээ дэвшүүлэх үеэрээ ирэх жил Засгийн газрын онцгой анхаарах зүйл нь вакциныг эх орондоо авчрах байх болно хэмээлээ.
Тэрээр үргэлжлүүлэн “Ирэх онд хийгдэх онцгой чухал ажил бол Монгол Улсын Засгийн газар ДЭМБ-аас хүлээн зөвшөөрсөн сайн чанарын вакциныг эх орондоо авч ирж, ард иргэдээ цар тахлаас хамгаалах ажлыг цаг алдалгүй зохион байгуулах явдал юм. Энэ ажил Монгол Улсын Засгийн газрын онцгой анхаарлын төвд байх болно” гэсэн бөгөөд 2020 онд хийгдсэн онцлох ажлуудыг тоочин хэлсэн юм.
