\”Би саналаа өгөхгүй” гэсэн гарчигтай нийтлэлийг Монгол Улсын иргэн
Гантөмөрийн Уянга бичжээ. Иргэн хүнийхээ хувьд саналаа өгөх өгөхгүй нь түүний
хэрэг. Гэвч Г.Уянгыг намын дарга улс төрч хүн талаас нь олон хүн харж, олон
хүнд түүний мэдэгдэл хүрэх талаас нь бодсонгүй нь харамсалтай. Олон залуус хэнд ч саналаа өгсөн ялгаагүй хэмээн тээнэгэлзэж яваа. Энэ үед
цагтаа УИХ-ын гишүүнээр ажиллаж байсан Г.Уянгын нийтлэл тэдгээр залуусын
идэвхийг сулруулна уу гэхээс дэмжлэг болохгүй нь лавтай.
![\"\"](http://undesten.mn/uploads/posts/2016-10/1476848778_uynga.jpg "\\"\\"")
Би л хувьдаа улс төрч явсан хүн ийм мэдэгдэл хийсэнд харамсаж байна. АН,
МАН хэн нь ч гарсан ялгаагүй. Гэхдээ л залуус бидний оролцоо, идэвх сул байгааг
ашиглаж тэд улс орныг өөрийн хүслээр удирдан жолоодож байна. Залуус бидний
идэвх сайжирч, улс орныг хэн хэрхэн удирдаж байгаад анхаарал хандуулж, хяналтаа
тавиад эхэлвэл улаан цайм луйвар, дээрэм арилж, шударга ёс тогтоно гэдэгт
итгэдэг.
Тиймээ өнөөдөр залуусын оролцоо үнэхээр хангалтгүй байна. Бид залхаж,
туйлдаж байгаа нь үнэн. Үүн дээр саяхан л \”та бүгд саналаа идэвхтэй өгөөрэй”
гэж уриалж байснаа одоо болохоор \”би саналаа өгөхгүй” гээд мэлзэж байгаа эдгээр
улс төрч нэртнүүдийн буруу ч бий.
Хариуцлага, хяналтын тогтолцоо алдагдсан учраас л залуус бид улс төр гэгч
зүйлээс залхаж, сонсохоос ч дургүй хүрч байгаа. Маргахгүй үнэн. Гэхдээ л бид
дөлөх тусам шударга бус зүйлс газар авч, ураг төрлөөрөө бидний төлж буй
татварын мөнгөөр найрлаж, улсыг удирдан жолоодож буй нэртэй өөрийн халаасыг
түнтийлгэсээр байх нь байна шүү дээ. Үүнийг л өөрчлөх хэрэгтэй. Өөрчлөх цаг нь
өнөөдөр биш аль эрт л ирсэн. Тиймээс сонгуульдаа идэвхтэй оролцьё. Саналаа ч
бас өгье. Дараа нь миний саналаар гишүүн, төлөөлөгч болсон нөхрөөс амлалтаа
биелүүлэхийг шаардья. Энэ бол залуус бидний үүрэг. Бас хариуцлага.
Харин Г.Уянга мэт хүмүүс өөрөө сонгогдохгүй болохоор залуусын идэвхийг
сулруулах оролдлого хийж байгааг харахад эмзэглэмээр.
Амар
