Цаг агаарын гамшигт үзэгдлээс сэргийлэхийг ЦУОШГ-аас анхааруулан мэдээлж байгаа. Тэгвэл Сэлэнгэ, Өвөрхангай, Төв аймгийн нутаг дэвсгэрт хүчтэй шороон шуурга болж байгаа талаарх мэдээллийг иргэд сошиалд нийтэлж байна. Сэлэнгэ аймгийн хэмжээнд цасан болон шороон шуурга шуурч замын үзэгдэх орчин хязгаарлагдаж байгаатай холбогдуулан Жолооч та онцын шаардлагагүй бол хол замд явахгүй байх, автомашиныхаа бүрэн бүтэн байдлыг хангаж, замын нөхцөл байдалд хурдаа тохируулан тээврийн хэрэгслийн ойрын гэрлээ асааж хөдөлгөөнд оролцохыг анхааруулж байна.
Дараах зургуудыг фэйсбүүкээс авч нийтэлж буй болно.
.jpg)
Сэлэнгэ аймагт
Малчид, иргэд, тээвэрчдийн анхааралд: Өнөөдөр нутгийн хойд хэсгээр, 15-нд нутгийн зүүн хэсгээр нойтон цас, цас орж, цасан шуурга шуурч, ихэнх нутгаар хүчтэй салхи, шороон шуургатай, эрс хүйтрэхийг онцгойлон анхааруулж байна.
Цаг агаарын гамшигт үзэгдлээс урьдчилан сэрэмжлүүлж байна!: Өнөөдөр Говь-Алтай, Баянхонгор, Өвөрхангай, Говь-Сүмбэр, Өмнөговь, Дундговь, Дорноговийн нутгаар салхи секундэд 24-28 метр хүрч ширүүсэж, шороон шуурга шуурна.
Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Завханы зүүн, Хөвсгөл, Булганы өмнөд, Архангайн хойд хэсэг, Сэлэнгэ, Төв аймгийн нутгаар цасан шуурга шуурна. Архангай, Өвөрхангай, Төв, Хэнтий, Сүхбаатарын нутгаар салхи секундэд 18-20 метр, зарим үед секундэд 24 метр хүрч ширүүсэж, шороон шуурга шуурна.
Нийслэлд үүлэрхэг. Нойтон цас орж, цасан шуурга шуурна. Салхи баруун өмнөөс хойш эргэж секундэд 8-13 метр, зарим үед секундэд 14-16 метр хүрч ширүүсэж, шороон шуурга шуурна. 3-5 хэм дулаан, оройдоо хүйтэрнэ.
