Ерөнхийлөгч Монгол Улсаас АНУ-д суугаа Элчин сайд Ё.Отгонбаярыг эгүүлэн татах санал гаргасан бөгөөд уг асуудлыг МАН-ын бүлэг, Аюулгүй байдлын байнгын хороогоор хэлэлцээд эгүүлэн татах үндэслэлгүй хэмээн үзсэн юм.
Эгүүлэн татах үндэслэлийг Ерөнхийлөгч Элчин сайд Ё.Отгонбаярын ажилласан сүүлийн гурван жилийн хугацаанд хоёр орны худалдааны эргэлт, хөрөнгө оруулалт, эдийн засгийн хамтын ажиллагаанд дорвитой ахиц гаргаагүй, мөн эдийн засгийг сэргээх, малчин ард иргэдийн амьдралыг сайжруулахад чухал үүрэгтэй, Монголын ноос, ноолууран бүтээгдэхүүнийг АНУ-ын зах зээлд татварын хөнгөлөлттэй экспортлох боломж бүрдүүлэх “Гуравдагч хөршийн худалдааны тухай” хуулийн төслийг АНУ-ын Хууль тогтоох байгууллагаар батлуулах талаар хангалттай санаачилга гаргаж ажиллаагүй гэж үзсэн. Мөн манай улсын байгалийн баялгийн орлогыг нэр бүхий улстөрчид гадаадад, оффшор дансанд байрлуулсан байж болзошгүй асуудлаар АНУ-ын Нью-Йорк мужид явагдаж буй шүүхийн маргааны талаар хуулийн байгууллагын шийдвэр гараагүй байхад олон нийтийн сүлжээгээр дамжуулан илт улс төржсөн байр суурь илэрхийлсэн нь Дипломат албаны тухай хуулиар хүлээсэн үүрэг болон төрийн албан хаагчийн ёс зүйд нийцэхгүй гэж үзсэн байна.
УИХ-ын гишүүн Н.Алтанхуяг: Элчин сайд хүн “Бид мэдээгүй шуугиад эхлэхээр нь шалгаад үзсэн хэргээ татчихсан байсан. Илт худал мэдээлэл өгсөн байна лээ” гээд яриад сууж байж болохгүй. Албаны мэйлээ ашиглаад дарга, цэрэг, сайд нарын хүүхдийг сургуульд оруулаад өг гэж гуйж байдаг ямар ёс зүй байна вэ.
УИХ-ын гишүүн Б.Энхбаяр: Төрийн тусгай албан хаагчийн мэйл хаягийн мэдээлэл хэрхэн алдагдсан юм бэ. Энэ сонирхолтой байна.
man naminhan hezee ch zasrashgui bainga luivarchidaa omoorch hoorondoo huivaldaj buh buruu hiisen albatuudaa hergees cholooldog hudalch huuramch nam mon otgonbayr bol tednii heg jishee ym hamgiin zalilagch hudalch deeremchin avilgal avdag novsh mongol ulsig tolooloh erhgui hurdan zailuulahgui bol ene namhezee ch zasrahgui booh luivarchidin uur bolson ham heveeree baina gedegt itgej baina