Tулгар төрийн 2230, Их Монгол Улс байгуулагдсаны 815, Ардын хувьсгалын 100 жилийн ойн Үндэсний их баяр наадмаа цаг үеийн нөхцөл байдалд тохируулан үзэгчтэй зохион байгуулна гэж Засгийн газраас мэдэгдсэн.
Энэ жилийн Үндэсний их баяр наадмын нээлт, хаалтын концертыг Н.Наранбаатар, Г.Цоггэрэл, Б.Баатар нар хамтран найруулахаар болсон. Тодруулбал, Шадар сайдын зохион байгуулах хорооны тавдугаар сарын 7-ны хуралдаанаар тус шийдвэрийг гаргасан билээ. Наадмын бэлтгэл ажлын талаар найруулагч Н.Наранбаатараас тодрууллаа. Тэрээр “Одоогоор бид зохиол, бүх юмаа гаргаад явж байна. Хэдийгээр хугацаа давчуу, давагдашгүй хүчин зүйл ковидтой байгаа ч Монголын ард түмний баяр тасралтгүй байх ёстой. Ямар ч үед бид уламжлалт үндэсний ялгамжаа үргэлж хадгалж байх ёстой. Энэ жил Үндэсний их баяр наадмын нээлтийг сайхан болно гэдэгт итгэлтэй байна. Зохиолоо нэгдэх өдөр Шадар сайдын зөвлөлөөр батлуулна. Батлуулчихвал бэлтгэл ажил цааш үргэлжилнэ” гэлээ.
Энэ жил 1024 бөх зодоглохоор болжээ. Наадмын төсөв өмнө нь гурван тэрбум байсан бол 100 жилийн ойд зориулан улсын төсөвт дээр 10 гаруй тэрбум төгрөгийг суулга өгсөн. Энэ жил Ардын армийн 100, улс төрийн нам байгуулагдсаны 100, анхны гадаад харилцаа байгуулж гэрээ хийсний 100, Судар бичгийн хүрээлэн байгуулагдсаны 100 жилийн ой тохионо. Мөн 10 гаруй аймаг, 70 гаруй сум, 30 гаруй салбарын тэгш ойнууд тохиож буй учраас ийнхүү өргөн дэлгэр тэмдэглэхээр болсон байна.
