Хавар дуусаж, зуны урин дулаан цаг ирэхийг хүлээсэн иргэдийн сэтгэл өнгөрсөн амралтын өдрүүдээр хэсэг тэнийв. Гэсэн ч дахиад л хүйтэн бороо асгарч, хавирга нэвт үлээсэн салхитай хаврын уур амьсгал үргэлжилсээр.
Зөвхөн энэ жил ч биш, сүүлийн жилүүдэд хавартаа хүйтэн, зун хожуу ирэх дүр зураг ажиглагдаж байна.
Нийслэлчүүдэд сайн мэдээ дуулгахад маргаашаас дахин дулаарч, өдөртөө 20-26 градус дулаан байна гэж ЦУОШГ-аас мэдээлэв. Харин баруун аймгуудын баруун, төвийн аймгуудын баруун хойд, зүүн аймгуудын нутгийн хойд хэсгээр бороо үргэлжлэн орно.
