Монгол Улс коронавирусийн халдварын эсрэг дөрвөн төрлийн вакциныг хоёр тунгаар хийж дархлаажуулж байгаа билээ. Өнөөдрийн байдлаар улсын хэмжээнд вакцины нэгдүгээр тунд 1.89 сая, хоёрдугаар тунд 1.65 сая иргэн тус тус хамрагдаад байгаа юм. Гэвч вакцинд хамрагдсан иргэдийн дундаас халдвар авч байгаа цөөнгүй тохиолдол бүртгэгдсээр байна. Иймд вакцины гурав дахь тунг хийх асуудлыг судалж байгаа юм.
ХӨСҮТ-ийн дэд захирал Ж.Байгалмаа: Коронавирусийн эсрэг вакцины гуравдугаар тунг хийх судалгааг дэлхийн улс орнууд хийгээд эхэлсэн байгаа. Олон улсын нөхцөл байдлыг харахад өндөр эрсдэлтэй 60-аас дээш насны хүмүүст гурав дахь хийе гэдэг асуудлыг ярьж байна. Мөн вирус мутацnлагдаж байгаатай холбогдуулж гурав дахь тунг бүх насны иргэддээ хийе гэснэ асуудал ч яригдаж байна.
Монгол Улсын хувьд одоогийн дархлаажуулалтын үр нөлөөг харж байж гурав дахь тунгийн асуудал яригдана. Одоогийн дархлаажуулалтын үр нөлөөг харахын тулд тодорхой цаг хугацаа шаардагдана. Ерөнхийдөө ХӨСҮТ-өөс вакцины гурав дахь тун хийх асуудлыг судалгааг хийж гэж байна. Судалгааны бэлтгэл ажлыг ханган ажиллаж байгаа гэлээ.
