![\"\"](http://undesten.mn/uploads/posts/2016-11/1478241890_13882356_1770168176594504_369017878379320101_n.jpg "\\"\\"")
УЛААН ӨНГИЙН УТАС ЗУРХАЙН ОРДУУДАД ХЭРХЭН ТУСАЛДАГ ВЭ?
Маш олон сахиус байдаг. Гэхдээ зөвийг нь хэрхэн сонгох вэ? Зурхайч, нэвтрүүлэгч Василиса Володина улаан утасны давуу талын талаар өгүүлж байна.
Галын орднууд: Хонь, Арслан, Нум
Галын орднууд бусад ордноос илүү их сэтгэлийн хөдөлгөөнтэй гэдгээрээ алдартай. Тухайн орднуудад төрсөн хүн гадна байдлаас харахад төлөв даруу харагдах боловч өөрийн гэсэн сэтгэл санааны тэсрэлт ба сэтгэл санааны үймээнд автаж байдаг. Тэдний зан араншин нь нийгэмд удирдагчийн байрлалд очиход тусалдаг. Хайр дурлалд ихэвчлэн азтай байдаг. Тэдний уцаарламтгий байдал нь тодорхой хэмжээний асуудлуудыг үүсгэдэг. Улаан утас нь маш хүчтэй сахиус бөгөөд уг ордын хүмүүсийн санамсаргүй байдлаар гаргасан олон саад бэрхшээлийг даван туулахад тусалдаг. Улаан өнгийн утас зүүснээр Хонины орд нь арай илүү анхааралтай болж, Арслангийн ордныхон азаа олж түүнийгээ алдахгүй байж, Нумыхан муу хүмүүсээс хол байж чадна.
Газрын орднууд: Үхэр, Охин, Матар
Тухайн ордуудын төлөөлөгчдийн хүч нь амьдралыг материаллаг талаас сайн харж, бүрэн утгаар нь дасан зохицож чаддаг чадварт байгаа юм. Тэд бүх ордууд дотроос тогтвортой юм. Гэхдээ бүх зүйлийг амархан бүтээж чаддаг гэсэн үг биш юм. Тэр өөрсдийгөө байнга хөгжүүлж, өөрийн бүх тэвчээрийг ашиглан байж зорилгодоо хүрдэг. Үүнээс гадна энэ зам нь ихэвчлэн удаан байдаг. Ийм зан араншинтай байдаг тул азыг гараасаа алдах магадлалтай байдаг байна.
Тухайн ордны төлөөлөгчдөд улаан утас орлуулж болохгүй туслагч байх боломжтой. Уг хүчийг ашиглаж байснаар өөрийн хөдөлмөрийг хамгаалж чаддаг. Үхрийн ордныхон байнга эд баялагтай байж, гэр бүлдээ тав тухтай байна. Охины ордны хүмүүс өөрсдийн эргэлзлийг давж, ажлын дараа бүрэн амарч чадна. Матрын орд бол энэхүү сахиусыг ашигласнаар өөртөө азыг дагуулж чаддаг.
Агаар буюу хийн ордууд: Ихэр, Жинлүүр, Хумх
Тухайн ордуудын давуу тал бол хөнгөн зөөлөн зан ааштай, маш сайн хөгжсөн сэтгэн бодох чадвартай. Тэд өөрсдийн салбартаа маш азтай байж, бусдад үнэлэгдэж байдаг бөгөөд зөвхөн өөрийн хувийн зан араншингийн тусламжтай бус жинхэнэ ур чадварын тусламжтай амжилтанд хүрдэг. Энгийн нэг оюун ухааны хөдөлмөр тэд нарт сөргөөр нөлөөлдөг: ийм агаарын орднууд мэдрэлийн эмгэг, нойргүүдэл эсвэл сэтгэц дээр үндэслэн бий болдог олон өвчнүүдэд нэрвэмтгий байдаг.
Улаан утасны сахиус нь тухайн ордуудад хэрхэн туслах вэ? Ихрийн ордныхон бол санхүүгийн байдлаа дэмжиж, хуримтлуулж чадна. Мөн оюун ухааны хөдөлмөртэй холбоотой ачаалал ихдэлт, нойргүйдлээс урьдчилан сэргийлнэ. Жинлүүрийн ордныхон бол өөрсдийн дотоод тэнцвэрт байдлаа хадгалж, нэгэн зэрэг өөрт нь хэрэггүй харилцаануудаас холдож чадна. Хумхын төлөөлөгчид бол заримдаа анхаарлаа хандуулж чаддаггүй өдөр тутмын асуудлуудыг шийдэх чадвартай болдог. Мэдээж мөн өөрсдийг оюун ухааны ачааллаас аварч чадна.
Усны ордынхон: Мэлхий, Хилэнц, Загас
Хамгийн нууцлаг ба содон орд юм. Усны ордны төлөөлөгчид бол хүний дотоод ертөнцийг маш сайн мэдэрдэг. Тэд шаардлагтай үед бүрэн идэвхжиж чадахаас гадна өөрсөд нь чухал хүмүүсийг хамгаалж чаддаг. Тэд бол үнэнч бөгөөд найдвартай найз нөхөд, эхнэр нөхөр, ажилчид байдаг. Гэсэн хэдий ч тэдний хамааралт байдал нь заримдаа хор уршиг авчирдаг. Хэт их мэдрэмтгий байдаг тул тухайн ордны хүмүүс маш сайн хүмүүс байхаас гадна тэднийг жинхнээсээ уурлуулж чадвал засаж болошгүй өшөө авагч нар болдог.
Мэлхийн ордны хүмүүст улаан утас нь тэдний хамгаалагч болох сарны хамгаалалтыг сайжруулна. Ингэснээр гэртээ маш их хайртай болж уг ордын гэрт байнга сайхан уур амьсгал байх болно. Хилэнцүүд өөрсдийн дотоод мэдрэхүйг дэмжиж, сөрөг сэтгэл хөдлөлөөс ангижрч чадна. Загасны ордныхонд уг чимэглэл нь зөвхөн хамгаалалт болохоос гадна ажилдаа амжилт гаргахад тусална.
