МАН-ын бүлэг мэдээлэл хийж байна.
УИХ дахь МАН-ын бүлгийн дарга Д.Тогтохсүрэн:
МАН-ын бүлэг дараах хоёр асуудлаар хуралдлаа. Холбооны эрхзүйн байдлын тухай болон Сангийн эрх зүйн байдлын тухай хуулийн шинэчилсэн найруулгын төслийг намын бүлгээр хэлэлцсэн. Өнгөрсөн долоо хоногт хэлэлцэх эсэхэд өөр өөр саналууд ирсэн ба өнөөдөр саналуудаа нэгтгэлээ. Бүлгээс үзэл баримтлалын хувьд дэмжье гэсэн шийдвэр гарсан ба харин УИХ-аас хэлэлцэх эсэхийг дэмжсэн шийдвэр гарсны дараа ажлын хэсэг гарч ажиллахаар болсон. Мөн зарим асуудалд нэлээн олон гишүүд байлцуулах, ТББ, сангийн хүмүүсийн дунд хэлэлцүүлэг хийж явцын дунд өөрчлөх зүйлс байна гэж үзсэн. Тэгээд хаврын чуулганаар хэлэлцэх нь зүйтэй хэмээн үзсэн.
Мөн бүлгийн хуралд ЕС Л.Оюун-Эрдэнэ мэдээлэл хийсэн ба хоёр хөрш болон Казахстан улсад байгаа манай улсын иргэдийн нөхцөл байдал болон улсын дотоод нөхцөл байдлын талаар мэдээлэл хийсэн. Дотоод нөхцөл байдалтай холбоотой, үнийн өсөлттэй холбоотой арга хэмжээ авах, тэтгэвэр тэтгэмжийг нэмэх чиглэлээр ЗГ судалгаа хийж байна, хил хаасантайгаар холбоотойгоор бараа бүтээгдэхүүний хомсдол үүсгэхгүй байх, утааны асуудлаар ярилцаж энэ чиглэлээр цаашид авах арга хэмжээний талаар хэлэлцлээ.
Сангийн эрх зүйн байдлын тухай хуулийн төслийг санаачлан УИХ-д өргөн барьсан Хууль зүйн Сайд Х.Нямбаатар:
Мөнгө угаах гэмт хэрэгтэй тэмцэх FATF-ын өмнө бид хэд хэдэн үүрэг хүлээсэн. Тэр дундаа энэ 2022 оны эхний хагасд багтаж гүйцэтгэх үүрэг бий. Энэ нь виртуал хөрөнгийн үйлчилгээ үзүүлэгчийн тухай хууль, барьцаалан зээлдүүлэгчдийг бүртгэх, үнэт эдлэл худалдан авдаг, алт хайлуулдаг үйлчилгээг зөвшөөрөл олгож, бүртгэлжүүлэх, ББСБ-ын үйл ажиллагааг боловсронгуй болгох, ашгийн төлөө бус хуулийн этгээдүүдийн эрх зүйн орчин үйл ажиллагааг боловсронгуй болгох үүрэг хүлээсэн. Мөн энэ ондоо багтаж өөрсдийн стратегийн төлөвлөгөөг УИХ-д танилцуулна. Мөн 2022 оны төгсгөлд FATF-д танилцуулах ба 2023 оны эхээр саарал жагсаалт орох эсэх дүгнэлтийг гаргана. Мөн энэ нэгдүгээр сардаа багтаж Ази Номхон далайн бүсэд өнгөрөгч 7-р сард батлан гаргасан Өршөөлийн тухай хуулийн тайланг танилцуулахаар бэлтгэж байна.
