༈ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུཿ་པུ་ཎྱ་ཇྙཱ་ན་པུ་ཥྚིཾ་ཀུ་རུ་སྭཱ་ཧཱ།།
Цагаан дарь эхийн магтаал
(орчуулга)
Ум.
Орчлонгийн хүлээснээс гэтэлгэгч дарэ,
Найман аюулаас аврагч дүдарэ,
Өвчин бүхнээс өмгөөлөгч дүрэ,
Өршөөлт Дарь эх танаа мөргөмү.
Цагаан лянхуан дунд,
Саран мандлын дээр
Очир завилгааг үйлдэгч
Дээд өглөгтөнд мөргөмү.
Намрын саран өнгөт,
Орь саран түшлэгт,
Чимэг бүхэн бүрдсэн
Удвал баригчид мөргөмү.
Арван зургаан насны жавхаат,
Ариун бурхдын ижий,
Хүссэн бүхнийг соёрхогчийн дүрт
Дарь эх танаа мөргөмү.
Цагаан гэрэлт, цагаан хүрд
Найман хигээсэнд нь найман үсэг
Эргэн орчихын байдалт
Хүрдэт эх дор мөргөмү.
Хутагт дээд аврагч мину,
Сэтгэлчлэн бүтээгч хүрдэт мину,
Насан хутгийг өршөөгч мину,
Охин тэнгэрт ийн залбирнам.
Амин насны тотгорыг арилгаж,
Аюулт өвчин зовлон бүхнээс
Агуу хүчтэн та минь
Аварч хайрламуу.
Адбиш шид бүхнийг
Соёрхож хайрламуу.
Үлэмжийн эх танд сүслэгчийг
Үр мэт энхрийлэгч билээ.
Үнэн голоос би итгэмү,
Өршөөл хайрын гохоороо
Намайг эзэмдэн соёрх.
Охин тэнгэрийн дүр
Охь саран өнгөт,
Цолгин атлаа дөлгөөн
Гоо хээмсэг, эрдэнэ чимэгт,
Гоёмсог тэнгэрийн торгон хормогчит,
Лянхуа саран мандалд
Очир суудлыг үйлдсэн,
Нэг нигуур хоёр мутарт,
Мишээнгүйн цог төгөлдөр,
Гурван цагийн бурхдын эх
Охин тэнгэрт мөнхөд биширмүй.
Орь хүслэнг хангагч чандмань болж,
Оройд минь залрах болтугай.
Үлэмж гайхамшигт таныг
Өчүүхэн төдий магтсан буянаар
Үйл хэрэг минь ариусахуй
Энэ мөчөөс гэгээрэлд хүртэл
Элдэв сөрөг шалтгаан амирлаж,
Эв, найр эсэн энхийн
Хотол чуулган цогцлох болтугай.
Цагаан Дарь-Эхийн магтаал оршвой.
(Төвд эх)
УМ ХОРВО ЛАЙДОЛ ДАРИМА
ДҮДДАРИЕ ЖИГЖЭД ДОЛ
ДҮРИ НАВА НАМЛАЙ ДОЛ
ДУЛМА ЮМ ЛА ЧАНЦАЛЛО
БАДМО ГАРВО ҮЙ НА ВА
ДАВИЙ СҮГЖИ ДАН ДЭН ДҮ
ДОРЖЭ ЖИЛТҮН ЖАЙ ЗАД МА
ЧОГЖИН МАЛА ЧАНЦАЛЛО
ДОНГАЙ ДАВИ ДОГ ДА ШИН
ДАВА ЛА НИ ЖАВДИНМА
ЖАНАМ ТАНЖИД ЁНСҮ ЗОГ
УДВАЛ НАМЛА ЧАНЦАЛЛО
ЖҮ ДҮГ ЛОЛОН ЛҮЙ ДАН ДАН
ЗОГСАН ЖАЙГҮН ДЭЙ СРАЙ
ДОДЖИН ГҮНИ ЧАНВИ ЮМ
ПАГМА ДОЛМА ЛА ЧАНЦАЛЛО
ХОРЛО ГАРВО ОДСЭР ГАР
ЗЭВЖАД ЛАНИ ИГИ ЖАД
ЁНСҮ ГАРВИ НАМБА ЖАН
ХОРЛО ЖАНЛА ЧАНЦАЛЛО
ШИНХАМ ТАМЖАД ЁНСҮ ДАГБАЛА
РИНЧЭН МЭДОГ МАНБО ЗАЛДҮ ДАМ
ДҮЙСҮМ САНЖАЙ ТАМЖАД ЖЭДБИ ЮМ
ЮМЖҮР ДОЛМА ЧОДЛА ЧАНЦАЛЛО
ПАГМА ДОЛМА ДОЛЗОД ЮМ
ИДШИН ХОРЛО ЦЭ ПИЛ МАА
ЛХАМО ЧОДЛА СОЛВАНИ
ДАГИ ЦЭ ЕЙ БАРЧАД ДАН
НАДДАН ДУГНАЛ ТАМЖАД ЛАЙ
НҮЙДЭН ЧОДЖИ ЖАВДҮ СОЛ
ЧОГДАН ТҮМ МОН ОЙДҮВ ГҮН
МАЛҮЙ ДАГЛА НАНВАР ЗОД
ПАГМА ЧОДЛО ДАДЖЭД БА
ДЭЛА ДАГДҮ БҮШИН ГОН
ДАГЖИН ЧОДЛА СОЛДЭВ ЖИ
ТҮГЖЭ ЖАГЖҮЙ СҮНДҮЙ СОЛ
ЛХАМО ГҮДОГ ДАДАЙ ДОГ
ГЭГЖИН ДҮЛВИЙ ЧА ЖАД ЖАН
СҮГСАН РИНЧЭН ЖАНЖИ БРАЙ
ЗЭЙБА ДАРЖИ МАДЁГ ЖАН
БАДМА ДАВИ ДАН ҮЙСҮ
ШАВНИ ДОРЖЭ ЖИЛДҮН ШҮГ
ШАЛЖИГ ЧАГНИ ЗУМБАГА ЖАН
ДҮЙСҮМ САНЖАЙ ЖИДВИЙ ЮМ
ЛХАМО ЧОДЛА ДАГДҮ ДҮД
ЧОДЛА ВАГЗАМ ДОДВА ДИ
ДАГЖАГ ЖАНЧҮВ ДҮВА ЛА
ДҮЙДИ НАЙСҮН ЖАНЧҮВ БАР
МЭТҮН ЖЭННАМ ШИВА ДАН
ТҮНЖИН ПУНСУН ЦОГБАР ШОГ
ИДШИН ХОРЛО ЧИДГҮ ЖИ ДА ДАН
ХОРДАН ГҮ ЦЭЙ ЧАДДАН ШИНХАМДАН
ЧЭДЖИ ЦАНЧОГ САНБО ЖИДА ВАР
ДЭ ДА ХОНАР ДАГСОГ ЖҮРВАР ШОГ
ЧЭДЛА ДОДЖИН СОЛВА ДАВБИ ТҮЙ
ДАГСОГ ГАНДҮ НАЙБИ САЧОГ ДЭР
НАДДАН ҮЛПОН ТАВЗОД ШИВА ДАН
ЧОЙДАН ДАШИ ПЭЛБАР ЗАДДҮ СОЛ.
“Цагаан Дарь эхийн #тус_эрдэм”
Цагаан Дарь эхийн алдар нэрийг сонссон төдийгөөр цаг бусын үхлийг дардаг ба Цагаан дарь эхийн лагшин дүрийг сэтгэлдээ ургуулан түүний ач тусыг санан сүжиг биширлээр соёрхол тавиваас гадаад дотоодын 16 их аюуул,
цаг бусын үхэл зэргээс аврана мөн хий, шар,
бадгана хурсан өвчин зэрэг,
халдварт хэжиг хэрим болон 404 зүйлийн өвчин,
360 ад наян мянган тотгор саад , гаднын хөнөөл,
биеийн зовлон зэрэг ил гарах бүхнээс амирлуулан нуугдах тотгор саад өөрийн үндэсний 84 мянган нисванис түүгээр өдөөгдөн үйлдэх 10 хар нүгэл хилэнц,
завсаргүй 5 зэрэг муу үйлийн үр түүний дагаварт ирэх халуун хүйтэн тамын зовлон зэрэг хүсээгүй бүхэнг үлдээлгүй түргэн амирлуулах үйлсийг бүтээн зохиох болно хэмээн Бурхан Багш айлдсан байдагаа.
#Цагаан #Дарь Эхийн домог.
Эрт цагт нэгэн ламхай алс хол орших хүний нутагт эрдэм сурхаар явжээ.
Хүү ээждээ хандан;
-Та надад юу захих вэ?
хэмээн асуухад ээж;
-Миний хүү эрдэм номоо сайн сураарай.
Ирэхдээ ижийдээ Цагаан Дарь Эх бурхан авчраарай гэж захив.
Нилээн удаан хугацаанд хүү эрдэм номоо хичээн сайн суралцаад нутаг буцхаар болж гэнэ.
Нутаг усандаа ирээд ижийдээ очихоор нутгийн зүг жолоо залжээ.
Гэртээ очих замдаа хээр будаллан суух зуураа ээжийнхээ хэлсэн захиасыг гэнт санаждээ.
Тэгээд ийм ачлалгүй хүү байх гэж, ээжийнхээ захисан Цагаан Дарь эх бурханыг мартжээ одоо яанаа ээжийнхээ нүүрийг яаж харах билээ, бас юу гэж хэлдэг билээ хэмээн жаал бодон суусны эцэст ногоон дунд хэвтэх зууван цагаан чулууг аван орхимжоороо арчин өврөөсөө хадаг гарган ороогоод өвөртлөн цааш хөдлөв.
Ижийтэйгээ золгон санасан сэтгэлээ дэвтээн тайвшран уужрав.
Ээж нь хүүгээсээ;
Миний хүү ижийнхээ захисан бурханг олж ирэв үү? Хүү;
-Тиймээ ээжээ авчирсан хэмээн өвөртөө боож хийсэн цагаан чулуугаа гарган өгөхийн сацуу маш их гэмшин ээжээ та энэ бурханыг задлан нээж үзэж болохгүй шүү гэж хэлэв. Ижий нь хүүгийнхээ өгсөн боодолтой чулууг ихэл хүндэтгэн тахиж магнайдаа хүргэн мөргөөд бурханыхаа өмнө тавив. Үүнээс хойш хүү нь ээжийгээ хуурсандаа хэсэг эмээгээгээд мартаж орхив.
Олон жилийн дараа ижий нь насан өндөр болж босож чадахгүй болж гэнэ.
Нэг удаа хүүдээ хандан;
Миний хүү ээждээ Цагаан Дарь Эх бурханаа ганцхан удаа харуулаач гэждээ.
Энэ л үед ээждээ жинхэнэ бурхан биш чулуу боож өгсөндөө маш их харамсан. Ийм олон жил болоход ээждээ ганц Дарь эх бүтээгээд өгч чадаагүйдээ өөрийгөө зүхэн машид ичиж сандран;
-Ээжээ одоо хэрэггүй ээ хүү нь дараа таньдаа харуулъя хэмээж. Гэвч ээж нь дахин харах цаг хугацаа үлдээгүйг мэдсэн мэт хүүгээсээ дахин шалан гуйж зөвшөөрүүлэв.
Хүү ихэд ичин хадагийг задлав. Гэтэл хадган дотроос гялалзсан Цагаан Дарь эх цацрав гэнэ. Хүү золтой л алдсангүй;
-Ээ бурхан минь хэмээн сүслэн мөргөв.
Үүнийг харсан ээж нь гараа дэлгэн хүүгээсээ бурханыг аван магнайдаа хүргэн залбирав.
Эх хүний чин сэтгэлийн мөргөл залбирал цагаан чулууг Цагаан Дарь Эх болгон амилуулсан домог энэ бөлгөө.
#Цагаан #Дарь #Эхийн #бясалгал
Бурхан.
Ном.
Хуврагийн чуулганд би бодь хүртэл аврал одуулья.
Өглөг тэргүүтэн эдгээр буяны хүчээр хамаг амьтдын тусын тулд бурхан бүтэх болтугай! ( 3 удаа)
Хамаг амьтад жаргал хийгээд жаргалын шалтгаан лугаа төгс болтугай! Хамаг амьтад зовлон хийгээд зовлонгийн шалтгаанаас ангижрах болтугай!Хамаг амьтад зовлонгүй жаргал эдлэх болтугай! Хамаг амьтад хол ойрын урин тачаалаас ангижрах болтугай!
Хамаг амьтадын дээдийн хүслийг хангахын тулд би өөрөө бурханы хутгийг олох хэрэгтэй.
Гагцхүү энэ л шалтгаанаар би энэхүү бясалгал хийж, үхэшгүй мөнхийн рашааныг хүртээх-хамаг хүслийг биелүүлэх чандмань эрдэнэ болсон Хутагт Дарь Эхийн зүрхэн тарнийг унших болно.(энэхүү бясалгал хийснээр зуурдын хийгээд дээдийн зорилго маань биелэнэ хэмээн үнэмшил төртөл ингэж бодно.)
Одоо өөрийн дотоод сэтгэл рүүгээ хандаж, өөрийн хоосон чанарыг бясалгаж, өөрийн толгойн дээрээс хөлийн ул хүртэлх орон зайг нь бодно.
Өөрийн биеийг хөндий хоосон болов хэмээн сэтгэнэ.
Энэ үед дараах тарнийг уншина.
Ом свабхава шудда сарва дарма субхава шуддо хам…Бүх юмс хоосонд шингэнэ. Хоосон чанарын агаараас гэрэл цацарч бүтэн дэлгэрсэн, үзэсгэлэнтэй гэрэл цацарсан лянхуа болон хувирна.Лянхуа цэцгийн голд саран дэвсгэр бий болж сарны гэрлээр гэрэлтэнэ.
Дараа нь ТАРА А ХАМ гэсэн үгс дуулдана.Энэхүү дуунаас та өөрөө лянхуа цэцгэн дээр Жавзан Арьяа Дарь эхийн дүрээр залрах болно.
Тэрээр очир суудлаар суусан байна.
Түүний баруун мутар нь Дээдийн Өглөг хэмээх мутарыг үзүүлсэн, зүүн мутар нь зүрхэн тушаа нугалсан байх агаад лянхуа цэцэг барьсан,лянхуа цэцэг нь гурван салаалж дэлгэрсэн байна.Дундах салаа нь бурэн дэлгэрсэн, баруун нь үрээ өгсөн, зүүн нь нээгдээгүй байна.
Түүний нурууг бүтэн сар түшсэн байна.Тэрээр 16 настай харагдах ба биеийг нь үнэтэй эрдэнээр чимсэн байна.
Түүний тэргүүн дээр Амитаба Бурхан заларч байна.Тууний духан дээр цагаан ОМ гэсэн үсэгтэй, хоолой дээр улаан өнгөтэй А үсэгтэй, зүрхэн дээр хөх ХУМ үсэгтэй байх бөгөөд эдгээр төвийг Бурханы гурван бие болгон хувирна.
Ингэж төвлөрөх үедээ А үсэг түүний зүрхэнд дуулдаж, тэр нь зүрхэн дээр саран дэвсгэр болон хувирч тууний дээр нь цагаан ТАМ үсэг бий болж , цаглашгүй гэрэл цацарч Арьяа Дарь Эхийн орон дахь түүний Билгүүний биед хүрч түүнийг хүрэлцэн ирж таны бясалгаж буй Дарь Эхэд нийлэхийг урина.
Дээдийн эрдмээр чимсэн еглегийн их саванд гэрэл туяарсан тахилга барьсан байна.
Эдгээр өглөгийн мөн чанар нь амгалан хийгээд хоосон чанарын билгүүн ухаан байх агаад энэ нь өглөгийн дүрстэй, дээдийн цэнгэлийг үүсгэх чадалтай.Ингээд та хэлэх нь ОМ АРЬЯА ТАРА, танд би мөргөж , дараах магтаалыг тавья.Сапаривара аргхам пратича хум сваха(уух ус,хүслийн галыг дарах) Сапаривара падяам пратича хум сваха (өлмийг угаах ус) Сапаривара пушпэ пратича хум сваха(цэцэг, энергийн орон) Сапаривара дупэ пратича хум сваха ( хүж, шагшаабадын ариун үнэр) Сапаривара алоке пратича сваха (гэрэл, билгуун) Сапаривара гандхэ пратича хум сваха ( ариун үнэрт ус, буяны хүч ) Сапаривара наивиндяа пратича хум сваха ( хоол, шүтэн барилдлага ) Сапаривара шабдэ пратича хум сваха ( хөгжим, лам багшийн билгүүн ухаан) эдгээр тахилуудыг өргөөд магтаал талбина. ТЭНГЭРС ХИЙГЭЭД АСАР НИГУУД ӨЛМИЙН ЛЯНХУАНД НЬ СӨГДДӨГ ХУТАГТ ДАРЬ ЭХ ТАНД АВРАЛ ОДУУЛЬЯ.
ХАМАГ ХҮЛЭЭСНҮҮДЭЭС ЧӨЛӨӨЛӨГЧ
ХАМАГ БУРХАДЫН ЭХ БОЛСОН ХУТАГТ ДАРЬ ЭХЭД АВРАЛ ОДУУЛЬЯ.
ДҮРИЙГ НЬ ХАРАХЫН ТӨДИЙ СЭТГЭЛ БАЯСАХ
САНСАРЫН ЕРТӨНЦӨӨС АНГИД ТОНИЛСОН, ХУТАГТ ДАРЬ ЭХ ТАНД АВРАЛ ОДУУЛЬЯ. ТАНЫ ЗҮҮСЭН ЧИМЭГ ЮУ ГЭРЭЛТЭН ТУЯАРАХ НЬ
ЦАСТ ЦАГААН УУЛД ТУСАХ ГЭРЭЛТ ОДОД ЛУГАА АДИЛ.
Ингэж магтсаны үрээр Билгүүний бие таны бүтээсэн бурханд шингэнэ.Энэ нэгтгэлийг баттай болгохын тулд дараах тарнийг уншина. ЖА ХУМ БАМ ХО. Одоо #Арьяа Дарь Эхийн зүрхэн дэх ТАМ үсэг хайлж, Дарь эхийн мөн чанар болсон найман шүдтэй хүрд болно.
Энэ хүрд нь 5 тарниар хүрээлэгдсэн байна. гурав нь гадаад хүрээн дээр байх бөгөөд нэг нь тэнхлэг дээр, нөгөө нь шүдэн дээр байна. Тэнхлэг дээр ОМ ба ХАМ үсгийн дунд өөрийн нэр байна.
Гурван хүрээний хамгийн дотоод хүрээнд Самгарьд хэлний 16 эгшиг зүүн гар луугаа эргэсэн байна.
Дарь Эхийн 10 үсэгт тарнийн найм нь хүрдний найман шүдэн дээр байх бөгөөд баруун зүгт эргэсэн байна.
Хүрдний голын тойрогт Самгард хэлний 34 гийгүүлэгч зүүн гар луугаа эргэсэн байна.
Хамгийн дотоод тойрогт шүтэн барилдахуйн тарни байна.
Эдгээр бүх үсгүүд цөм цагаан гэрлээр гэрэлтэх бегеед бүжиглэн буй лаанууд шиг харагдах болно.
Энэхүү билгүүний хүрд хийгээд үүний тарнийн үсэг бүрээс далай их гэрэл урсч таны биед орж, үхэшгүй мөнхийн рашаанаар дүүргэнэ.
Ингэж гэрлээр бие бүрэн дүүрэх үед таны арьсны нүх бүрээс цагаан гэрэл цацарч таныг тойрон хагас алдын бөгөөд цагаан гэрэлтэй нийлж улмаар түүнээс даван гарч 2 дахь шар гэрлийн оронг бий болгоно.Энэхүү гэрлийн орон нь бас л хагас алдын хэмжээгээр цагаан гэрлийн орноос давсан байхаас гадна удвал цэцгээр мөн адил бүрхэгдсэн байна. Энэхүү шар гэрлээс таны нас уртасч, сэтгэлийн хүч ихсэн аливаа юмсын ихсэх үйлс гүйцэнэ гэж бодно.
Ялангуяа билгүүн ухаан хийгээд мэдлэг тэргүүтэн ихсэнэ. Дараа нь хүрд хийгээд тарнийн үсэгнээс улаан гэрэл гарч биеийг дүүргэн түрүүний гэрлийг даван 3 дахь хагас алдын хэмжээтэй,улаан гэрлийн оронг үүсгэнэ.Энэ нь бас удвал цэцгээр бүрхэгдсэн байна.
Энэ улаан гэрэл нь хүчний хийгээд дотоод баялагийн үйлсийг бүтээнэ.
Дахин нэгэн ногоон гэрэл цацрах бөгөөд таны биеийг дүүргэн мөн хагас алдын хэмжээтэй ногоон гэрлийн оронг үүсгэнэ.
Энэ нь мөн удвал цэцгээр хүрээлэгдсэн, бүх үйлсийг ариусган Бурханы үйлийг гүйцэтгэх хүчийг хайрлана.
Одоо гүн хөх өнгийн гэрэл гарч, Дарь Эхийн хатуу үйлийг гүйцэтгэх бөгөөд номыг хамгаалж, таны зам мөрийг тэгшилнэ.
Эдгээр гэрлүүд хийгээд түүнийг тойрсон удвал цэцгийн хуягууд нь цагийн төгсгөлд ирэх галд ч тэсэхээр бат бөх хэмээн бясалгана.
Таван гэрлийн оронд ямар ч саад тотгоргүй өөрийгее оршиж байгаагаар бясалгана.
Тэгээд эдгээр гэрлүүдийн гарах үүсвэр, тарнийн үсгүүдийн авиаг бодон мэдэрч аажмаар Арьяа Дарь Эхийн зүрхэн тарнийг хүчлэн уншина.
ОМ ТАРЭ ТУТТАРЭ ТҮРЭ МАМА АЮУ ПУНЯА ЖНАНА ПҮСТРИМ КҮРҮ ЕЭ СВАХА.
Ингэж бясалгасаар тарниа аль болох их тоотой уншина.
Дараа нь хүрдэн дэх тарнийг ядаж нэгэн удаа уншвал их буян хурдаг тул тэдгээрийг уншина.
Эхлээд ОМ ( таны нэр) ХУМ.Уншин буй үсэг бүрээ нарийн мэдэр.
Дараа нь гэрлийн орнууд гүн хөх өнгөтэй гэрлийн орноор эхлэн нэг нэгэндээ шингэж байгааг бясалгана.
Ингэж гэрлийн орнууд зүрхэн дэх билгүүний хүрдэнд хураагдана.
Энэхүү хүрд гэрэл гаргагч тээрэм адил гэрэл үүсгэн эргэлдэн агаарт байж байгаад мен түүнчлэн уусна.
Цагаан Дарь Эхийн Билгүүний биеийг өөрийн оронд нь үдэж өгнө.
Энэхүү үйлдсэн үйлийн буяныг хамаг амьтанд хуваан өгч энэхүү сэтгэлийн оронд хэсэг хугацаатайгаар оршино.
Дараа нь энэхүү бясалгалын амгалангаас өөрийгөө тэргүүнээ цагаан ОМ үсэг, хоолойгоо улаан А үсэг, зүрхэндээ хөх ХУМ үсгээр тус тус чимсэн Цагаан Дарь Эх болов хэмээн бодно.
Дахин Цагаан Дарь Эх болон түүний нехер сэлтийг өөрийн орноосоо емнийн огторгуйд залран ирэхийг урьж, мен емнехийн адил тахилга ергене.
Одоо үнэн сэтгэлээсээ Арьяа Дарь Эхэд мергене.
Үүнд бэлэг дэмбэрэлтэй
хүслээ хэлж, еерийгөө даатгаж болно.Мөн холбогдолтой тахилга хийж болно.Үүнийгээ бүтэн эрх тарни тоолж дуусгана.
Ингэж насны цөвийг арилгана.
Дараах аргаар Дарь Эхийн бясалгалыг уртасгаж болно.
-Дарь Эхийн адислалыг өөрт хийгээд бусдад хүртээх:
Өөрийгөө болон өөрийн гэр бүлийнхнийг, найз нөхөд болон энэ дэлхийн бүх амьтдаар хүрээлүүлсэн байна гэж бодно.Тэгээд гэрлийн орноор хүрээлүүлсэн байна гэж бодоод дээрх бясалгалыг үйлдэнэ.
-Дарь Эхийн адислалыг хязгааргүй тараах нь :
Бясалгалаа эхэлдгээрээ эхэлнэ.харин удвал цэцэг хийгээд таван гэрлийнхээ оронд таван өнгийн гэрлээ арван зүгийн хязгааргүйд түгээж, орчлонт хорвоогийн бүх амьтад хийгээд явдалыг адислан ариусгаад түүнийгээ буцаан хүрдэндээ хураана.
– Билгүүн ухаан, сүсэг болон гэгээрэл зэргээ ихэсгэхийн тулд : бясалгалаа эхэлдгээрээ эхэлж, өөрийн хүслээ хэлж мөргөнө. Дараа нь таван гэрлээ хязгааргүй орчлонгийн арван зүгт цацруулж, гурван цагийн хамаг Бурхадтай холбогдож адислалаа хайрлахыг хүсэн мөргөнө. Одоо хүслээ дахин тавина. Арван зүгийн хамаг Бурхадыг сэтгэлдээ барина. Тусламж ирэх нь гарцаагүй.
-Арьяа Дарь Эхийн амар амгалан, эрүүл мэнд, ариусал болон урт наслахын адислалыг хүртэхэд :- Үндсэн бясалгалын төгсгөлд ОМ АХ ХУМ үсгээр чимсэн Арьяа Дарь Эх дахин морилон ирэх үед Дарь эхийн орноос түүний билгүүний биеийг урихад тэрээр таны өмнийн огторгуйд морилон ирж өөрийн долоон мэлмийгээсээ гэрэл цацруулж таны үндсэн хүрд нигудад оруулж, таны биеийг цагаан гэрлээр дүүргэнэ. Дараа нь Дарь Эхийн зүрхнээс таны тэргүүнд цагаан аршаан юүлж биеийг тань дүүргэнэ.Энэ аршаанаар таны бие дүүрэхийн хамт та бүрэн ариусав хэмээн бодохтун. Цааш нь урьдын бясалгалыг давтана.
-Мунхаглал хийгээд буруу үзлээс гарсан эргэлзээ хийгээд тотгорыг арилгахад :
үндсэн бясалгалын дараа ОМ А ХУМ үсгээр чимсэн Дарь эх дахин бий болж, Дарь Эхийн орноос түүний билгүүний биеийг урина.
Дарь эхийг өмнийн огторгуйд залсны эцэст түүний долоон мэлмийгээс таны үндсэн хүрд нигудад алтан шар гэрэл цацран орж улмаар таны биеийг алтан шар гэрлээр дүүргэнэ.Дараа нь Дарь Эхийн зүрхнээс алтан шар өнгийн аршаан таны тэргүүнд орж юүлэгдэнэ.
Энэ аршаанаар дүүрэхийн хамт хэрхэн таны бие мэдлэг хийгээд билгүүний ухаанаар булхаж байгааг мэдэр.Цааш нь бясалгалаа урьдын адил үргэлжлүүлэн хийнэ….
тарнийн тайлбар:
ОМ ТАРЭ (зуурдын зовлонг арилгагч) ТУТТАРЭ (хамаг зовлонгоос гатлуулагч) ТҮРЭ( хорвогийн шуналаас огт тонилгогч) МАМА(олон )
АЮУ (амьдрал)
ПУНЯА ( буян )
ЖНАНА ( билгүүн)
ДҮСТРИМ ( олох )
КУРУ (хамгаалах )
ЕЭ СВАХА. САРВА МАНГАЛАМ.
