Германд “Их-7” хэмээн яригддаг улсуудын Гадаад хэргийн сайд нарын уулзалт болов.
Их Долоо буюу Долоогийн Бүлэг гэж Америк, Герман, Их Британи, Итали, Канад, Франц, Япон гэсэн дэлхийд эдийн засгийн хувьд тэргүүлдэг улсуудаас бүрддэг албан бус бүлэг буюу клуб юм. Эдгээр улсууд “Украины бүрэн эрхт байдал, нутаг дэвсгэрийн бүрэн бүтэн байдлыг дэмжих, Крым болон бүх муж улсын бүрэн эрхт байдлыг дэмжих болно” гэлээ. Германы Гадаад хэргийн сайд Анналена Баербок хэлэхдээ:
“… Энэ дайны дэлхийн нөлөөг өлсгөлөн, тогтворгүй байдал, хяналтгүй хямралд оруулахгүйн тулд Их-7 гол үүрэг гүйцэтгэх ёстой. Эрчим хүчний аюулгүй байдал, ардчиллын үнэт зүйлсийг худал мэдээллээр гуйвуулах ёсгүй. Тиймээс бидэнд хариуцлагаас зугтах, идэвхигүй эсвэл эргэлзэх, эцэст нь юу ч хэлэхгүй байх нь миний бидний сонголт биш…”
гэж хэлэв. А.Бэербок Оросыг зөвхөн Украины эсрэг төдийгүй дэлхийн олон улс, ялангуяа Африкийн эсрэг “үр тарианы дайн” явуулж байна гэж буруутгав. ОХУ-ын түрэмгийлэл нь хүнсний экспортын 90 орчим хувийг эзэлдэг Хар тэнгисийн боомтуудад Украины нэвтрэх боломжийг хаажээ. Еврокомисс Ойрхи Дорнод, Африк зэрэг бүс нутгуудад хүнсний хямралаас урьдчилан сэргийлэх зорилгоор Украинтай хилийн боомтыг нээх, Украины үр тариаг экспортлох авто болон төмөр замын хүчин чадлыг нэмэгдүүлэх стратегиа танилцууллаа.
“Их 7”-ын хөдөө аж ахуйн сайд нар Украины хүн амыг хоол хүнсээр хангах, Украины тариаланчдад тусламж үзүүлэх, Украины ард түмэнд санхүүгийн дэмжлэг үзүүлэх зэргээ амлав. Мөн Украины талаас хилийн чанадад царцаасан ОХУ-ын өмч хөрөнгийг дайны төлбөрт шилжүүлэн авах хүсэлт гаргалаа. “Их 7”-ын Гадаад хэргийн сайд нар Хятадад Оросын эсрэг тавьсан барууны хориг арга хэмжээг сөрөх эсвэл Москвад ямар нэгэн шууд тусламж үзүүлэхгүй байхыг анхаарууллаа.
Эх сурвалж: www.politico.eu
