Орон нутгийн цагаар 6-р сарын 7-нд Украины Гадаад хэргийн яам мэдэгдэл гаргаж тэмдэглэхдээ: одоогоор Украин, Турк болон ОХУ-ын хооронд Украины боомтуудын “бүслэлт”-ийг цуцлах асуудлаар тохиролцоогүй байна гэжээ. Украины тал онцлохдоо: шийдвэрийг эрхбиш бүх сонирхогч талуудын оролцоотойгоор гаргах ёстой, Украины ашиг сонирхлыг харгалзаагүй аливаа хэлэлцээрээс татгалзах болно гэжээ.
Мэдэгдэлд тэмдэглэхдээ: Украины боомтуудын бүслэлтийг цуцлах талаар гаргасан Туркийн хүчин чармайлтыг Украин сайшааж байгаа. Гэвч одоогоор Украин, Турк болон ОХУ-ын хооронд энэ асуудлаар тохиролцоонд хүрээгүй байгааг анхаарах ёстой. Хар тэнгис дэх тээвэрлэлтийг сэргээхэд аюулгүй байдлын үр дүнтэй баталгаа хангах шаардлагатай байна, үүнийг далайн эргийн хамгаалалтын зэвсгээр хангах болон гуравдагч орны хүчнийг Хар тэнгисийн эргүүлд оролцуулах замаар хангах ёстой хэмээн Украины тал үзэж байна гэжээ.
