Япон улсын ерөнхий сайд асан Абе Шинзо өнөөдөр тус улсын баруун бүс нутагт сонгуулийн үйл ажиллагаанд оролцож байхдаа буудуулжээ.
Гэрчүүдийн мэдээлснээр Нара хотод болсон арга хэмжээний үеэр буун дуу хоёр удаа сонсогдсон байна. Абе энэ үед Ням гарагт санал хураалт нь болох парламентын дээд танхимын сонгуулийн үйл ажиллагаанд оролцож, намынхаа нэр дэвшигчийг дэмжсэн үг хэлж байжээ. Буун дуу гарсны дараа экс ерөнхий сайд газарт унаж, эмнэлэгт хүргэгдэхдээ ухаангүй байсан тухай мэдээлж байна.
Удалгүй Абе Шинзо амьсгал хураасан талаар NHK мэдээлсэн байна. Нара мужийн Кишихара хотын эмнэлэгт эмчлүүлж байгаад ийнхүү таалал төгссөн талаар Либерал Ардчилсан намын эх сурвалжууд ч мөн мэдэгджээ.
Тэрбээр 67 насандаа ийнхүү бусдын гарт харамсалтайгаар амиа алдлаа.
