-БНСУ Хятадтай харилцаагаа муутгахаас болгоомжлов-
АНУ-ын Конгрессын төлөөлөгчдийн танхимын дарга Нэнси Пелоси нь Ази тивийн улс орнуудаар сүр дуулиантай айлчилж байна. Тэрбээр Тайванийн нийслэлээс Өмнөд Солонгосын нийслэл Сөүл хотод хүрэлцэн ирлээ. Харин яг энэ үеэр БНСУ-ын ерөнхийлөгч Юн Сүк Ёл зуны амралтаа авсан тул уулзахгүй гэжээ.
Н.Пелоси нь Өмнөд Солонгосын үндэсний ассамблейн дарга Ким Жин Пё болон эрх баригч, сөрөг хүчний намуудын удирдлагатай уулзахаар болсон байна.
Тус улсын Гадаад хэргийн сайд нь Камбожийн нийслэлд болох ASEAN-ий орнуудын гадаад хэргийн сайд нарын уулзалтад оролцохоор явжээ. Тиймээс Нэнси Пелоси нь тус улсын гүйцэтгэх засаглалын гол удирдагч нартай уулзах боломжгүй болсон байна.
Улстөрийн ажиглагчид үүний цаана Хятадтай харилцах харилцаагаа муутгахгүй байх далд зорилго нуугдаж байж болзошгүй гэж дүгнэж байна.
