Төрийн албан хаагчдын ажилласан жилийн нэмэгдэл цалингийн одоогийн модуль нь тав хүртэлх жил ажилласан бол нэмэгдэл авахгүй. Харин 6-10 жил ажилласан бол таван хувийн нэмэгдэл авах, 11-15 жил ажилласан бол 10 хувь, 16-20 жил ажилласан бол 15 хувь гэх байдлаар таван жил тогтмол ажилласны дараа л нэмэгдэл авдаг загвараар явж буй. Тэгвэл ирэх жилээс төрийн албан хаагчдын ажилласан жилийн нэмэгдлийн загварыг өөрчлөхөөр төсөвт тусгажээ.
Уг загварын шинэчлэлээр төрийн албаны ажилтан нь нэг жил ажилласан бол нэг хувийн нэмэгдэл, хоёр жил ажиллавал хоёр хувийн нэмэгдэл гэж явсаар 25 жил ажилласан бол 24 хувийн нэмэгдэл авах байдлаар ажилласан жилийнхээ тоогоор цалингийн нэмэгдэл авдаг болох юм байна. Одоо бидний мөрдөж буй таван жил ажилласны дараагийн жилээс эхлэн нэмэгдлээ бодуулдаг загвар хамгийн ихдээ 150-200 мянган төгрөг байдаг аж.
