Гурван долоо хоног хүрэхгүй хугацаанд Ерөнхий сайд Фумио Кишидагийн Засгийн Газрын хоёр дахь гишүүн огцров.
Эдийн засгийг сэргээх сайдын албыг хашиж байсан Дайширо Ямагива (10-р сарын 24-нд) нь Мүүний гэгддэг Эв нэгдлийн сүмтэй холбоотой хэргээр чөлөөлөгдсөн юм. Харин Ясухиро Ханаши нь Хууль зүйн сайдын хувьд цаазын ялтай хоригдлыг дүүжлэн цаазлах бүх тушаалд гарын үсэг зурах үүрэгтэй.
Гэтэл өнгөрсөн наймдугаар сард Засгийн газрын бүтцийн өөрчлөлтийн хүрээнд уг албан тушаалд томилогдсон ч эрх мэдлээ хэрэгжүүлээгүй байна. Тэрээр нэгэн үдэшлэг дээр “Хууль зүйн сайд бол цаазаар авах ялыг батлахын тулд тамга дарах л үүрэгтэй даруухан албан тушаал. Хууль зүйн сайд байх нь илүү санал, мөнгө авчрах албан тушаал биш” гэж хэлсэн нь нийтэд дэлгэгдсэн юм.
Я.Ханаши албан тушаалдаа үлдэх хүсэлтэй байгаагаа илэрхийлж, хэлсэн үгийнхээ төлөө уучлалт гуйсан ч шүүмжлэл зогссонгүй. Учир нь цагдаагийн ажилтан асан, доод танхимын зургаан удаагийн гишүүн Я.Ханашигийн хэлсэн үг өнгөрсөн хэд хэдэн арга хэмжээнд хэлсэнтэй нь төстэй байсан тул огцрохоос өөр аргагүй болсон юм.
Ерөнхий сайд Фумио Кишидагийн нэр хүнд, дэмжлэг олон нийт дунд уруудсаар байна.
Эх сурвалж: japantimes.co
