Хотын удирдлагууд ТҮЦ нүүлгэх бизнесээс хэдийг халаасладаг вэ

ТҮЦ бол хотын удирдлагуудын хоолны мөнгөө
олдог нэгэн бизнес. ТҮЦ ажиллуулах зөвшөөрлийг яг л төрийн албан хаагчид шиг
олж авна. Төрийн албан хаагчид дөрвөн жилийн хугацаатай ажилладаг даа. ТҮЦ
ажиллуулагчид үүнтэй адил дөрвөн жил л үйл ажиллагаа явуулах эрхтэй. Энэ нь
өнөөх засаг төр дөрвөн жилийн хугацаатай солигддогтой л холбоотой юм.

Э.Бат-Үүл Засаг дарга болмогцоо хотын өнгө
төрхийг гутааж байгаа ТҮЦ-нүүдийг шинэчилж байгаа нэртэй иргэдийн амь
амжиргаагаа залгуулдаг орлогын эх үүсвэрийг нь албадан нүүлгэж, шуугиан
тарьсан. Үүний дараа стандарт шаардлагад нийцсэн гэх ТҮЦ-нүүд оронд нь байршсан
байдаг. Одоогийн 13 м.кв бүхий бор өнгийн мухлагууд л даа. Үүнийг худалдан авч
үйл ажиллагаа эрхэлж, хоолоо залгуулахын тулд банкнаас зээл тусламж авсан иргэд
ч маш олон.

 

 

Гэтэл АН унаж, МАН гармагц өнөөх
ТҮЦ-нүүдийг зөвшөөрөлгүйгээр үйл ажиллагаа явуулж байгаа гээд л албадан
нүүлгээд эхэллээ.

 

Тодруулбал, Нийслэлийн Засаг дарга С.Батболдын
захирамж гарч, харуй бүрий цагаар иргэдийн нус, нулимстай нь хутгалдуулаад л
албадан нүүлгэх ажиллагаа явагдаж байна. Нийслэлд 1170 ТҮЦ үйл ажиллагаа
явуулдагаас 757 нь зөвшөөрөлгүйгээр ажиллаж байсан гэнэ. Автобусны
буудал дээр ажиллаж байгаа ТҮЦ-нүүдийг 65 хувь нь зөвшөөрөлгүйгээр ажилласаар
байсан байх нь. Үүнийг С.Батболд гэдэг мундаг хүн Засаг дарга болмогцоо л
цэгцэлж байгаа юм гэнэ. Тийм юм гэж юу байх вэ дээ. АН эрх барьж байхдаа өгсөн
зөвшөөрлүүдийг л МАН-ынхан цуцалж, өөрсдөө зөвшөөрөл олгох гэж байгаа нь л энэ
биз.

 

Өнөөдөр
нүүлгэсэн талбай дээр маргааш өөр нэг ТҮЦ ирээд л бууна. Харин тэр ТҮЦ нь
МАН-ын зөвшөөрөлтэй буюу МАН-д татвар төлсөн ТҮЦ байх болно. Магадгүй
сонгуулийн өмнө Ц.Сандуй \”60 тэрбумыг босгоно” гэж ярьж байснаараа ТҮЦ-нүүдээс
ч болтугай хөрөнгөө босгож байгаа нь энэ байж болох л юм.

Ядарсан
хэдэн иргэдээ ингэж зовоож, тарчлааж олсон мөнгө нь хоолойгоор нь давдаг л юм
байх даа.

 

ТҮЦ бол
жирийн иргэдэд ойртсон жижиглэнгийн худалдаа. Цалингаас цалингийн хооронд
амьдардаг иргэдэд тохирсон үйлчилгээ. Хааяа даа тамхи ширхэглээд авчихна,
мөнгөө задлуулна, яарсан үе дээ гол зогоох зүйл аваад идчихнэ. Ер нь иргэд
бидэнд төрийн үйлчилгээнээс ойрхон үйлчилгээ. Үүнийг цалингаа хэзээ буухыг
мэддэггүй, эхнэрүүд нь Монголд худалдаа хийдэггүй, хүүхдүүд нь ТҮЦ гэж юу
байдгийг ч мэдэхгүй дарга нар яаж ч ойлгох билээ. Тиймээс л хууль биелүүлж
байгаа нэртэй ядарсан иргэдээ торгоход ямар ч асуудалгүй. Одоо
больчих л доо. ТҮЦ-ний хэдийг торгохгүй бол өлсөж үхэх гээд байна уу. Эсвэл
өөрийн чинь ажиллуулдаг дэлгүүрүүд ТҮЦ-нээс болоод дампуурчих гээд байна уу.
Хаана хэн энэ хотод жаргаад байна вэ.

 

А.Аюуш

Үндэстэн
агентлаг